كه‌لار.. ئۆتۆمبیلێك خۆی به ئۆتۆمبیلی كامێرای هاتوچۆدا كێشا
وێستگه نیوزـ
به‌ڕێوه‌به‌رایه‌تیی هاتوچۆی گه‌رمیان رایگه‌یاند ئۆتۆمبیلێك بۆ ئه‌وه‌ی خۆی له كامێرای تایبه‌ت به تۆماركردنی تیژڕه‌ویی هاتوچۆ لابدات، كۆنتڕڵی له‌ده‌ستداوه و خۆی به دوو ئۆتۆمبیلی دیكه و ئۆتۆمبیلی هاتوچۆدا كێشاوه.
هاتوچۆی گه‌رمیان له راگه‌یه‌ندراوێكدا بڵاویكرده‌وه: روداوه‌كه ئه‌مشه‌و لەسەر ڕێگای کەلار ناحیەی ڕزگاری رویداوه و شۆفێری ئۆتۆمبێلێک ویستویه‌تی خۆی له کامێرای هاتوچۆ لابدات، به‌ڵام كۆنتڕۆڵی له‌ده‌ستداوه و زیان بەسێ ئۆتۆمبێلی دیكه گه‌یاندوه.
راشیگه‌یاندوه كه ئۆتۆمبیله‌كه له جۆری نیسان سێنترا بووه كه به خێراییه‌كی زیدا رۆیشتووه، دوای ئەوەی شۆفێرەکە ویستویەتی خۆی لەکامێرای هاتوچۆ لابدات، کۆنترۆڵی لەدەستداوە و خۆی کێشاوە بە دوو ئۆتۆمبێلی تر دا لەجۆری شۆفرلێت ئۆپترا و نیسان سەنی، زیانیشی بە ئۆتۆمبێلی کامێرای هاتوچۆ گەیاندووە.
بەمەبەستی لێکۆڵینەوە لەڕوداوەکە تیمی هاتوچۆی ناحیەی ڕزگاری لێکۆڵینەوەیان دەست پێکردوە، جگەلەزیانی مادی زیانی گیانی تێدا نەبوو.
PM:11:29:11/09/2019
ئه‌م بابه‌ته 2164
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت