ئه‌رسه‌لان بایز پۆستێكی‌ نوێی‌ پێدرا

‌ئه‌رسه‌لان بایز

وێستگه‌ نیوز –
جێگری‌ سكرتێری‌ گشتی‌ یه‌كێتی‌ نیشتمانی‌ كوردستان بڕیاری‌ دا ئه‌رسه‌لان بایز بكرێته‌ سه‌رپه‌رشتیاری مه‌كته‌بی چاودێری و به‌دواداچوونی یه‌كێتی.

كۆسره‌ت ره‌سوڵ‌ عه‌لی‌ جێگری‌ سكرتێری‌ گشتی‌ یه‌كێتی‌ نیشتمانی‌ كوردستان به‌ نووسراوی‌ ژماره‌ 24-ب/ج له‌ 11ی‌ ئه‌یلولی‌ 2019 بڕیارێكی‌ نوێی‌ ده‌ركرد.

له‌ نووسراوه‌كه‌ كه‌ وێنه‌یه‌كی‌ ده‌ست وێستگه‌ نیوز كه‌وتووه‌ و كۆسره‌ت ره‌سوڵ ئیمزای‌ كردووه‌، ئه‌رسه‌لان بایز ئه‌ندامی مه‌كته‌بی سیاسی یه‌كێتی وه‌ك سه‌رپه‌رشتیاری مه‌كته‌بی چاودێری و به‌دواداچوونی یه‌كێتی دیاریكراوه‌.

له‌ به‌شێكی‌ تری‌ نووسراوه‌كه‌دا ئاماژه‌ به‌وه‌كراوه‌ كه‌ ئه‌م بڕیاره‌ له‌ رۆژی‌ ده‌رچوونیه‌وه‌ جێبه‌جێ‌ ده‌كرێت.


PM:06:22:11/09/2019




ئه‌م بابه‌ته 1456 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت