كه‌ش و هه‌وای 48 كاتژمێری داهاتوو راگه‌یه‌ندرا
وێستگه‌نیوز-
به‌ڕێوه‌به‌رایه‌تی كه‌شناسی سه‌ر به وه‌زاره‌تی گواستنه‌وه‌ی هه‌رێم رایگه‌یاند كه ئه‌مڕۆ و سبه‌ینێ ئاسمان ساماڵ ده‌بێت و سبه‌ینێ ئه‌گه‌ری به‌رزبوونه‌وه‌ی تۆزو خۆڵ له‌ناوچه‌كانی باشووری هه‌رێم هه‌یه و پله‌كانی گه‌رما نزم ده‌بنه‌وه.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌مڕۆ دووشه‌ممه 5ی ئابی 2024 ئاسمان ساماڵ ده‌بێت".
كه‌شناسی ده‌ڵێت: "پله‌كانی گه‌رما نزیك ده‌بێته‌وه له تۆماركراوی دوێنێ. خێرایی با 10 – 20 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرئاوا و مه‌ودای بینین 8-9 كیلۆمه‌تر ده‌بێت".
ئه‌وه‌شی خسته‌ڕوو كه "سبه‌ینێ سێشه‌ممه 6- 8- 2024 ئاسمان ساماڵ ده‌بێت له‌گه‌ڵ ئه‌گه‌ری به‌رزبوونه‌وه‌ی تۆزو خۆڵ له‌ناوچه‌كانی باشووری هه‌رێم".
روونیشیكرده‌وه كه "پله‌كانی گه‌رما به‌گشتی نزم ده‌بێته‌وه به (1-2) پله‌ی سیلیزی به‌راورد به تۆماركراوه‌كانی ئه‌مڕۆ. خێرایی با 10 - 20 كیلۆمه‌تر ده‌بێت و ئاراسته‌ی با باكووری خۆرئاوا و مه‌ودای بینین 8-10 كیلۆمه‌تر ده‌بێت و له‌ناوچه‌كانی باشووری هه‌رێم له‌كاتی بوونی تۆز و خوڵ كه‌متر له 5 كیلۆمه‌تر ده‌بێت".
راشیگه‌یاند كه به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت:
هه‌ولێر : 41
سلێمانی : 40
دهۆك : 40
كه‌ركوك : 43
هه‌ڵه‌بجه : 41
زاخۆ :42
سۆران : 39
حاجی ئۆمه‌ران : 30
گه‌رمیان : 44
AM:10:42:05/08/2024
ئه‌م بابه‌ته 3624
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت