دادگای فیدراڵی عێراق: سەرۆک کۆمار دەتوانێت پرۆژە یاسا پێشکەش بە پهرلهمان بکات
لهتیف رهشید سهرۆك كۆماری عێراق
وێستگهنیوزـ
دادگاى باڵاى فیدراڵیی عێراق لە بەرژەوەندیی سەرۆک کۆمار بڕیاریدا و دەڵێت، سەرۆک کۆمار دەتوانێت پرۆژە یاسا پێشکەش بە پهرلهمان بكات.
دادگاى باڵاى فیدراڵى لە وەڵامى نوسراوێکى سەرۆک کۆمار کە داواى روونکردنەوەى دەقى بڕگەى یەک لە ماددەى 60ى دەستوورى کردووە، رایگەیاندووە، بەگوێرەى دەستوور پێشکەشکردنى پرۆژە یاساکان لە تایبەتمەندى دەسەڵاتى جێبەجێکارییە، بڕگەى یەک لە ماددەى 60ـی دەستوور باسیلەوەکردووە، جێبەجێکاران کە بریتین لە سەرۆک کۆمار و ئەنجومەنى وەزیران دەتوانن پرۆژە یاسا پێشکەش بکەن.
دادگاى فیدراڵى ئاماژەى بەوەشکردووە، سەرۆک کۆمار دەتوانێت پرۆژە یاسا پێشکەش بە پهرلهمان بکات، جگە لە پرۆژە یاساى بودجە و ژمێرەى کۆتایی کە رێگەپێدراو نیە سەرۆک کۆمار پێشکەشیان بکات، بەڵکو بە گوێرەى بڕگەى چوار لە ماددەى 80ـی دەستوور تەنیا لە دەسەڵاتى ئەنجومەنى وەزیراندایە.
PM:04:37:02/08/2024
ئهم بابهته 724
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت