پارێزگای هه‌ولێر: پرۆسه‌ی قوربانیكردن ده‌ستیپێكرد

‌

وێستگه‌نیوز-
پارێزگای هه‌ولێر رایگه‌یاند كه‌ به‌بۆنه‌ی جه‌ژنی قوربانی پیرۆزه‌وه‌ پرۆسه‌ی قوربانیكردن ده‌ستیپێكرد كه‌ ماوه‌ی چوار ڕۆژ به‌رده‌وام ده‌بێت.

پارێزگای‌ هه‌ولێر له‌ راگه‌یه‌ندراوێكدا ئاماژه‌ی‌ به‌وه‌دا كه‌ "ئه‌مڕۆ یه‌كشه‌ممه‌ 16-6-2024، به‌ ئاماده‌بوونی ئومێد خۆشناو پارێزگاری هه‌ولێر و موسا ئه‌حمه‌د سه‌رۆكی ده‌زگای خێرخوازیی بارزانی و ئه‌كره‌م ئه‌حمه‌د یاریده‌ده‌ری پارێزگار و ئارمان تۆپچوو كونسوڵی گشتیی توركیا له‌هه‌رێمی كوردستان و هاوڕێ ئیحسان به‌ڕێوه‌به‌ری لقی هه‌ولێری مانگی سووری عێراقی و هه‌ڵمه‌ت هه‌مزه‌سلێمان به‌ڕێوه‌به‌ری سه‌ربڕخانه‌ی هه‌ولێر، پرۆسه‌ی قوربانیكردن به‌بۆنه‌ی جه‌ژنی قوربانی پیرۆز ده‌ستیپێكرد، كه‌ ماوه‌ی چوار ڕۆژ به‌رده‌وام ده‌بێت".

ئه‌وه‌شی‌ خسته‌ڕوو كه‌ "پرۆسه‌كه‌ له‌لایه‌ن ده‌زگای خێرخوازی بارزانی و مانگی سووری توركیا و به‌شێك له‌ كه‌سایه‌تییه‌ خێرخوازه‌كان، به‌هاوكاری پارێزگای هه‌ولێر به‌ڕێوه‌ ده‌چێت".

پارێزگای هه‌ولێر راشیگه‌یاندووه‌ كه‌ "گۆشتی خێرخوازیش له‌ كه‌مپی ئاواره‌كان و به‌شێك له‌ گه‌ڕه‌كه‌ هه‌ژارنشینه‌كانی هه‌ولێر دابه‌ش ده‌كرێت".

PM:12:59:16/06/2024