له‌ ده‌ربه‌ندیخان هه‌زار و 200 شۆفێری‌ بارهه‌ڵگر مانیان گرتووه‌


وێستگه‌نیوز-
هاتووچۆی ده‌ربه‌ندیخان رایگه‌یاند كه‌ له‌ سنووره‌كه‌یاندا هه‌زار و 200 شۆفێری‌ بارهه‌ڵگر مانیان گرتووه‌ و به‌ نزیكه‌ی 10 كیلۆمه‌تر بارهه‌ڵگر ڕیزیانگرتووه‌ و قه‌ره‌باڵغییان دروست كردووه‌.


به‌رێوه‌به‌رایه‌تی هاتووچۆی ده‌ربه‌ندیخان دوو وێنه‌ی‌ بڵاوكردووه‌ و له‌ راگه‌یه‌ندراوێكدا ده‌ڵێت: "به‌هۆی ناڕه‌زایی ده‌ربڕینی بارهه‌ڵگره‌كان، كه‌ له‌ شاره‌كانی هه‌رێمی كوردستان مانیان گرتووه‌، له‌سنوری ده‌ربه‌ندیخان به‌ نزیكه‌ی 10 كیلۆمه‌تر بارهه‌ڵگر ڕیزیانگرتووه‌ به‌ره‌و بانی خێڵان و ڕێگه‌ی باوه‌خۆشێن و رێگه‌ی ژاڵه‌ناو".

ئه‌وه‌شی‌ خستووه‌ته‌ڕوو كه‌ بارهه‌ڵگره‌كان "له‌ زۆربه‌ی ڕێگه‌كان به‌دوو ڕیز وه‌ستاون، كه‌ نزیكه‌ی هه‌زار و 200  بارهه‌ڵگر ده‌بن".

هاتوچۆی ده‌ربه‌ندیخان داوا له‌ شۆفێران ده‌كات ئه‌مشه‌و شه‌قامی سی مه‌تری بارهه‌ڵگره‌كان و خوارووی مزگه‌وتی حاجی ساڵه‌حی گه‌ڵاڵی به‌ره‌و گومرگی كۆن به‌كار نه‌هێنن، به‌هۆی قه‌ره‌باڵغی له‌و دوو شه‌قامه‌دا.


PM:09:04:15/05/2024






ئه‌م بابه‌ته 840 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو