مه‌سعود بارزانی: داوا لە رۆژنامەنووسان ده‌كه‌م ئەركی خۆیان بە شێوەیەكی پیشەیانە جێبەجێ بكەن

‌مەسعود بارزانی

وێستگه‌نیوزـ

مه‌سعود بارزانی، سه‌رۆكی پارتی رایگه‌یاند، داوای لە رۆژنامەنووس و میدیاكاره‌كانی كوردستان هەیە، ئەركی خۆیان بە شێوەیەكی پیشەیانە بۆ گەیاندنی راستیەكان جێبەجێ بكەن.

ئه‌مڕۆ دووشه‌ممه‌ 22ی نیسانی 2024، مه‌سعود بارزانی، په‌یامێكی بڵاوكرده‌وه‌ و رایگه‌یاند: "داوام لە رۆژنامەنووس و میدیاكارە خۆشەویستەكانی كوردستان هەیە، ئەركی خۆیان بە شێوەیەكی پیشەیانە بۆ گەیاندنی راستیەكان و هەروەها لەپێناو بەهێزكردنی فەرهەنگ و هۆشیاریی كۆمەڵگە و هاووڵاتیان جێبەجێ بكەن".

ده‌شڵێت: "پێویستە راگەیاندنكاران هەمیشە ئه‌وه‌یان لەیاد بێت كە میدیا و رۆژنامەنووسی ئامرازی كاریگەرن بۆ ناساندنی دۆزی رەوای گەلەكەمان و بەرگریكردن لە ناسنامە و مافەكانی گەلی كوردستان".

ده‌قی په‌یامه‌كه‌:

پەیامی سەرۆك بارزانی بۆ ڕۆژی ڕۆژنامەگەریی كوردی
بەناوی خودای بەخشندە و میهرەبان

بە بۆنەی سەد و بیست و شەشەمین ساڵیادی دەرچوونی یەكەمین ڕۆژنامەی كوردی كە هاوكات ڕۆژی ڕۆژنامەگەریی كوردی و ساڵیادی دامەزراندنی سەندیكای ڕۆژنامەنووسانی كوردستانە، پیرۆزبایی لە ڕۆژنامەنووس و میدیاكارانی كوردستان دەكەم.

ڕۆژنامەنووس و میدیاكاران ئەركێكی پیرۆز و هەستیاریان لەسەر شانە كە بریتیە لە پێدانی زانیاری و هۆشیاری و ئاراستەكردن و پێشخستنی كۆمەڵگە. لەویادەدا داوام لە ڕۆژنامەنووس و میدیاكارە خۆشەویستەكانی كوردستان هەیە، ئەركی خۆیان بە شێوەیەكی پیشەیانە بۆ گەیاندنی ڕاستیەكان و هەروەها لەپێناو بەهێزكردنی فەرهەنگ و هۆشیاریی كۆمەڵگە و هاووڵاتیان جێبەجێ بكەن.

پێویستە ڕاگەیاندنكار و ڕۆژنامەنووسانی كوردستان ئەوەیان هەمیشە لەیاد بێت كە میدیا و ڕۆژنامەنووسی ئامرازی كاریگەرن بۆ ناساندنی دۆزی ڕەوای گەلەكەمان و بەرگریكردن لە ناسنامە و مافەكانی گەلی كوردستان و، لە هەمانكاتیشدا ئامرازن بۆ پاراستنی بەهاكان و قووڵتركردنەوەی فەرهەنگی ئاشتیخوازی و پێكەوەژیان و مرۆڤدۆستی لەناو خەڵكدا.

ساڵیادی ڕۆژنامەگەریی كوردی پیرۆز و هیوای سەركەوتن بۆ هەموو ڕۆژنامەنووسانی كوردستان دەخوازم.

مسعود بارزانی
22ی نیسانی 2024


AM:10:24:22/04/2024


ئه‌م بابه‌ته 496 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو