قوباد تاڵه‌بانی‌: کەلار.. شاری داهاتوو


وێستگه‌نیوز-
جێگری‌ سه‌رۆك وه‌زیرانی‌ هه‌رێمی‌ كوردستان ڤیدیۆیه‌كی‌ په‌یجی‌ سه‌رۆكایه‌تی‌ شاره‌وانی‌ كه‌لار شێر ده‌كات كه‌ نووسیویه‌تی‌ "کەلار..  شاری_داهاتوو".

قوباد تاڵه‌بانی‌ جێگری‌ سه‌رۆك وه‌زیرانی‌ هه‌رێمی‌ كوردستان له‌ په‌یجی‌ فه‌رمی‌ خۆی‌ پۆستێكی‌ په‌یجی‌ سه‌رۆكایه‌تی‌ شاره‌وانی‌ كه‌لاری‌ شێركردووه‌ كه‌ ڤیدیۆیه‌كه‌.

سه‌رۆكایه‌تی‌ شاره‌وانی‌ كه‌لار ده‌رباره‌ی‌ ڤیدیۆكه‌ نووسیویه‌تی‌: "بە مێژوویەکی دەوڵەمەندەوە، ڕووەو ئایندەیەکی پرشنگدار هەنگاو دەنێین. کەلار: ناوەندی گەشەسەندن و بەرەوپێشچوونە، شاری داهاتوومانە".

ڤیدیۆكه‌ دیمه‌نه‌كانی‌ شاری‌ كه‌لار له‌ رووی‌ ئاوه‌دانی‌ و بنیاتنان له‌ خۆ ده‌گرێت و له‌سه‌ر دیمه‌نه‌كانی‌ نووسراوه‌ "له‌ خاكێكی‌ دێرینه‌وه‌ به‌ره‌و شارێكی‌ سه‌رده‌میانه‌. شارێك كه‌ به‌رده‌وام سه‌وز و سه‌وزتر ده‌بێت. شه‌قامی‌ گه‌وره‌ و فراوان. خاوه‌ن پرۆژه‌ی‌ جۆراوجۆر. پڕ له‌ وزه‌ی‌ نوێ و داهێنه‌ر. شارێكی‌ زیندوو".

قوباد تاڵه‌بانی‌ له‌سه‌ر پۆسته‌كه‌ش نووسیویه‌تی‌: "رۆژێك لێیان پرسیم واز له‌پۆسته‌كه‌ت بهێنی حه‌ز ئه‌كه‌ی چ پۆستێكی تر وه‌رگریت، منیش وتم: سه‌رپه‌رشتیاری ئیداره‌ی گه‌رمیان".

هاوكات جێگری‌ سه‌رۆك وه‌زیرانی‌ هه‌رێمی‌ كوردستان هاشتاگی‌ کەلار.. #شاری_داهاتووی‌ راگه‌یاندووه‌.


PM:10:31:15/04/2024


ئه‌م بابه‌ته 756 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو