باڵیۆزخانه‌ی ئه‌مریكا هۆشداری به هاوڵاتیانی خۆی له عێراق ده‌دات
وێستگه نیوزـ
ئه‌مڕۆ چوارشه‌ممه باڵیۆزخانه‌ی ئه‌مریكا هۆشداریی به ره‌وه‌ندی خۆی له عێراق دا و ئاگاداری كرده‌وه كه وریای دیارده‌ی دزی و قۆڵبڕین بن.
باڵیۆزخانه‌ی ئه‌مریكا به به‌یاننامه‌یه‌كدا ده‌ڵێت: پێویسته هاوڵاتیانی ئه‌مریكا و ئه‌و هاوڵاتییه بیانیانه‌ی كه دانیشتوی عێراقن، هۆشیار بن له‌وه‌ی نه‌بنه قوربانیی قۆڵبڕین و دزییان لێ بكرێت.
باڵیۆزخانه‌كه داوای له ره‌وه‌ندی خۆی كردوه له‌كاتی مامه‌ڵه‌كردندا ئاگاداری زانیاریی كه‌سی و زانیارییه داراییه‌كانی خۆیان بن و ته‌نها مامه‌ڵه له‌گه‌ڵ لایه‌نیی یاسایی باج بكه‌ن و نه‌كه‌ونه داوی قۆڵبڕین یان هه‌ر حاڵه‌تێك كه دزییان لێ بكرێت.
PM:12:47:03/04/2024
ئه‌م بابه‌ته 1980
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت