سودانی و سه‌رۆكی دادگای فیدڕاڵی تاوتوێی دۆسییه نیشتمانییه‌كان ده‌كه‌ن
وێستگه نیوزـ
ئه‌مڕۆ یه‌كشه‌ممه، سه‌رۆك وه‌زیرانی عێراق پێشوازیی له سه‌رۆكی دادگای فیدڕاڵیی عێراق كرد و گفتوگۆیان له‌سه‌ر دۆسییه "نیشتمانییه‌كان" و پشتیوانیكردنیان له دامه‌زراوه دادوه‌رییه‌كان كردوه.
نوسینگه‌ی راگه‌یاندنی سه‌رۆك وه‌زیرانی عێراق راگه‌یه‌ندراوێكی بڵاوكرده‌وه‌و ده‌ڵێت كه محه‌مه‌د شیاع سودانی، سه‌رۆك وه‌زیرانی عێراق و جاسم محه‌مه‌د عمێری، سه‌رۆكی دادگای فیدڕاڵی باسیان له دۆخی گشتیی وڵات كردوه.
له راگه‌یه‌ندراوه‌كه‌دا هاتووه كه سودانی و عمێری جه‌ختیان له‌سه‌ر كاری هاوبه‌شی نێوان ده‌سه‌ڵاته یاسایی و ده‌ستورییه‌كان كردوه‌ته‌وه له‌پێناو جێبه‌جێكردنی به‌رنامه‌ی حكومه‌ت به‌تایبه‌ت له بواری بنبنڕكردنی گه‌ده‌ڵیی دارایی و ئیداری.
له به‌شێكی دیكه‌ی راگه‌یه‌ندراوه‌كه‌دا هاتووه كه هه‌ردوولا باسیشیان له پاراستنی سامانی گشتی و كه‌مكردنه‌وه‌ی له‌مپه‌ره سیاسیی و یاساییه‌كانی به‌رده‌م پرۆسه‌ی گه‌شه‌پێدان و پته‌وكرنی سه‌قامگیری كردوه.
PM:08:50:31/03/2024
ئه‌م بابه‌ته 1736
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت