شارەزایەکی کەشناسی: ئەم مانگە بارانی زۆر باش بەڕێوەیە

‌دیمەنێکی بارانبارین لە هەرێمی کوردستان. وێنە: جەمال سەرگەتی

ئاراس جەبار، شارەزای کەشناسی بڵاویکردووەتەوە، ئەم مانگە بارانی زۆر باش دەبارێت ھەر لە 6ی مانگەوە پێشبینی دەستپێکردنەوەی کاریگەری نزمەپاڵەپەستۆکانی دەریای ناوەراست و سوور بۆ سەر ناوچەکانمان دەکرێت بەچەند قۆناغێکی یەک لەدوای یەک کە مەودای نێوان بارانەکان نزیک دەبن لەیەک و ئەگەر ھەیە چەند شەپۆلێکی بارانبارین لە نێوان 6ی مانگ بۆ 20ی مانگ بەرێژەی مامناوەند و زۆر باش ھەرێمی کوردستان بگرێتەوە لەگەڵ بارینی بەفرێکی زۆریش لەسەر ناوچە شاخاوییە سنورییەکان و ناوچەکانی رۆژھەڵاتی کوردستان بەتایبەت لەدوای ناوەراستی مانگەوە.

دەشڵێت: "بەگشتی پێشبینی دەکرێت ئەم مانگە باراناوی بێت و بەڕاورد بەمانگی رابردوو ژمارەی شەپۆلەکان زیاتر ببێت، بۆ بەفر بارین و ھاتنی شەپۆلی سەرما لەسەنتەری شارەکان و ناوچە شاخاوییە نزمەکان".