شاسوار عه‌بدولواحید: به‌غدا به‌و مه‌رجه‌ پاره‌ ده‌نێرێت كه‌ هه‌رێم بیدات به‌ موچه‌ی فه‌رمانبه‌ران


وێستگه‌ نیوزـ

سه‌رۆكی جوڵانه‌وه‌ی نه‌وه‌ی نوێ رایگه‌یاند كه‌ داهاتی ناوخۆی هه‌رێمی كوردستان سه‌روو 400 ملیار دیناره‌ و به‌غداش به‌و مه‌رجه‌ پاره‌ به‌ هه‌رێم ده‌دات كه‌ بیدات به‌ موچه‌ی فه‌رمانبه‌ران.

شاسوار عه‌بدولواحید، سه‌رۆكی جوڵانه‌وه‌ی نه‌وه‌ی نوێ له‌ چاوپێكه‌وتنێكی ته‌له‌فزیۆنیدا باسی له‌ سه‌ردانه‌كه‌ی بۆ ئه‌مریكا و دۆخی ناوخۆی هه‌رێمی كوردستان و پرسی موچه‌ و كێشه‌ی بودجه‌ كرد.

سه‌رۆكی جوڵانه‌وه‌ی نه‌وه‌ی نوێ وتی: ئه‌مریكاش داوا ده‌كات كه‌ كێشه‌كانی نێوان هه‌رێم و به‌غدا چاره‌سه‌ر بكرێن و وتی: به‌ به‌رپرسانی ئه‌مریكا وتوه‌ كه‌ نابێت سزای موچه‌خۆرانی هه‌رێم به‌هۆی كێشه‌ی یه‌كێتی و پارتییه‌وه‌ بدرێت.

ده‌شڵێت: لایه‌نی ئه‌مریكا بێزارن له‌و كێشانه‌ی كه‌ یه‌كێتی و پارتی دروستی ده‌كه‌ن وه‌ك یه‌كنه‌گرتنه‌وه‌ی هێزی پێشمه‌رگه‌ و ئه‌وان له‌گه‌ڵ ئه‌وه‌دان هه‌ڵبژاردن له‌ هه‌رێم بكرێت.

له‌سه‌ر ئه‌گه‌ری بوونی مه‌ترسی له‌سه‌ر قه‌واره‌ی هه‌رێمی كوردستان، شاسوار عه‌بدولواحید وتی: ئه‌وه‌ی مه‌ترسیی له‌سه‌ر حوكمڕانیی یه‌كێتی و پارتییه‌، ئه‌مه‌ش یه‌كسان نییه‌ به‌ هه‌رێمی كوردستان و ئه‌مه‌ واتای ئه‌وه‌ نییه‌ هه‌رێم له‌ مه‌ترسیدا بێت، ئه‌گه‌ر خه‌ڵك بڕوات بۆ ده‌نگدان نه‌وه‌ی نوێ یه‌كه‌م ده‌بێت و ده‌بێت پارتی له‌دوای نه‌وه‌ی نوێ بۆ پله‌ی دووه‌م بگه‌رێت.


PM:07:11:18/09/2023


ئه‌م بابه‌ته 716 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت