سعودیه‌ به‌ "ئینزاری سور" هاوڵاتییانی مه‌ككه‌ ئاگادار ده‌كاته‌وه‌


وێستگه‌ نیوزـ

كه‌شناسیی عه‌ره‌بستانی سعودی هۆشداری ده‌دات له‌ لێزمه‌باران و هه‌ستانی لافاو له‌ شاری مه‌ككه‌ی پیرۆز و هاوڵاتیانی شاره‌كه‌ی به‌ "ئینزاری سور" له‌ گۆڕانكارییه‌كانی كه‌شوهه‌وا ئاگادار كرده‌وه‌.

كه‌شناسیی سعودیه‌ هۆشداریی به‌ "ره‌نگی سور" دا به‌هاوڵاتیانی شاری مه‌ككه‌ی پیرۆز و ئاگاداری كرده‌وه‌ له‌ چه‌ند كاتژمێری داهاتوودا كه‌شی باراناوی روو له‌ شاره‌كه‌ ده‌كات و مه‌ترسیی سه‌رهه‌ڵدانی لافاو هه‌یه‌.

هه‌ر له‌ هۆشدارییه‌كه‌دا هاوڵاتیان ئاگادار كراونه‌ته‌وه‌ ئه‌گه‌ر پێویست نه‌كات نه‌چنه‌ ده‌ره‌وه‌و خۆیان له‌ كۆبونه‌وه‌ی ئاو و دۆڵه‌كان به‌دوور بگرن و مه‌له‌ی تێدا نه‌كه‌ن.

ده‌شڵێت كه‌شوهه‌وای سه‌خت و باراناوی له‌ شه‌ممه‌ و ده‌ستپێده‌كات و تا رۆژی چوارشه‌ممه‌ی داهاتوو به‌رده‌وام ده‌بێت.


PM:09:36:08/09/2023


ئه‌م بابه‌ته 56736 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو