بە ڤیدیۆ.. لە پێکدادانی دوو شەمدەفەر لە هیندستان 50 کەس گیانیان لەدەستدا
وێنە: گێتی
وێستگه‌نیوزـ
لە ئەنجامی لادانی شەمەندەفەرێک و دەرچوونی لە رێڕەوە ئاسنینەکەی خۆی، پێکدادان لەگەڵ شەمەندەفەرێکی دیکە لە ناوچەی بالاسور لە هەرێمی ئۆدیشا لە هیندستان 50 کەس گیانیان لەدەستدا و 300 کەسی دیکە برینداربوون.
ئەمڕۆ هەینی 2ي حوزةيراني 2023، میدیاکانی هیندستان بڵاویان کردەوە شەمەندەفەرەکە ژمارەیەک سەرنشینی تێدابووە و لەئەنجامی دەرچوونی لە ڕێڕەوی ئاسینینی خۆی، لەگەڵ شەمەندەفەرێکی دیکە کە کەلوپەلی بارکردووە پێکدادان روویداوە.
لەلایەن خۆیەوە ناریندار مودی، سەرۆکوەزیرانی هیندستان لە تویتەری خۆی بڵاویکردەوە، گەڕان و پشکنینەکان بۆ رزگارکردنی سەرنشینەکانی سەمەندەفەرەکە بەردەوامە و هەر کۆمەکێکیش پێویستبێت پێشکەشی زیانبەرکەوتوان دەکرێت.
بەگوێرەی راپۆرتە سەرەتاییەکان، پێشبینیدەکرێت نزیکەی 200 سەرنشین لە شەمەندەفەرەکەدا گیریان خواردبێت کە وەرگەڕاوە.
نووسینگەی کۆمسیۆنی فریاگوزاری رایگەیاند، تیمەکانی فریاگوزاری گەیشتوونەتە شوێنی رووداوەکە و دەستیان بەگەڕان و پشکنین کردووە بە ئامانجی رزگارکردنی ئەوانەی لە ناو شەمەندەفەرەکەدا ماونەتەوە.
PM:09:32:02/06/2023
ئه‌م بابه‌ته 1720
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت