په‌رله‌مانتارێكی پارتی: هه‌فته‌ی داهاتوو ده‌نگ له‌سه‌ر ماده‌ی 14ی یاسای بودجه‌ ده‌درێت

‌خەلیل غازی

وێستگه‌نیوزـ

ئەندامێکی لیژنەی دارایی پەرلەمانی عێراق ئاشکرای کرد، هەفتەی داھاتوو دەنگ لەسەر مادەی 14ی پرۆژەیاسای بودجە دەدرێت و پێشبینی دەکرێت پرۆژەیاسای بودجە بخرێتە دەنگدان ئەگەر رێککەوتنی لەسەر بکرێت.

خەلیل غازی، ئەندامی لیژنەی دارایی پەرلەمانی عێراق بە ماڵپەڕی فەرمی پارتی راگەیاند: "پێشبینی دەکەین هەفتەی داھاتوو دەنگ لەسەر ماددەی 14ی پرۆژەیاسای بودجەی گشتیی عێراق بدرێت".

وتیشی: "پەسەندکردنی پرۆژەیاسای بودجەش لەسەر رێککەوتنی لایەنە عێراقییەکان وەستاوە، ئەگەر تا هەفتەی داھاتوو بگەنە رێککەوتن، پرۆژەیاسای گشتیی بودجە دەخرێتە دەنگدان و پەرلەمان دەنگی لەسەر دەدات''.

خەلیل غازی، کەلە هەمانکاتدا پەرلەمانتاری پارتیشە ئاماژەی بۆ ئەوەکرد: "ئێمە ھەموو ھەوڵێک دەدەین بۆ ئەوەی پشکی ھەرێمی کوردستان وەک خۆی پەسەند بکرێت، چونکە پێشتر رێککەوتنی لەسەر کراوە و حکومەت پرۆژەکەی رەوانەی پەرلەمان کردووە، بە پێچەوانەوە ھەر دەستکاریکردنێک زیان بە ھەرێمی کوردستان دەگەیەنێت''.
 


PM:10:46:31/05/2023


ئه‌م بابه‌ته 2256 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت