سه‌نته‌ری‌ میترۆ له‌سه‌ر روداوه‌كانی ئه‌مڕۆی پیره‌مه‌گرون: هێزی ئەمنی ڕێز لە گردبونەوەی ئاشتیخوازانە ناگرێت


وێستگه‌ نیوزـ

ئه‌مرۆ هه‌ینی‌ 26ی‌ ئایاری‌ 2023، له‌كاتی‌ به‌ڕێوه‌چوونی‌ گردبوونه‌وه‌ی‌ به‌شێك له‌ هاوڵاتیانی‌ ناحیه‌یی‌ پیره‌مه‌گرون له‌سه‌ر دانانی‌ كامێرای‌ تیژڕه‌وی‌، هێزێكی‌ ئه‌مینی‌ په‌لاماری‌ تیمه‌ رۆژنامه‌وانیه‌كانی‌(روداو، پەیام، ئێن ئارتی) ده‌دات و بۆ ماوه‌ی‌ نیو كاتژمێریش ده‌ستبه‌رسه‌ریان ده‌كات. 

له‌سه‌ر ئه‌و روداوانه‌، سه‌نته‌ری‌ میترۆ بۆ داكۆكیكردن له‌ مافی رۆژنامه‌نوسان له‌ به‌یاننامه‌یه‌كدا رایگه‌یاند: " زەبروزەنگ وپەلاماردانی تیمەکانی روداو، پەیام، ئێن ئارتی، ئازاردانیان، شکاندنی کەلوپەلی رۆژنامەوانیان، دەستبەسەرکردنی و سوکایەتی بە پیشەکەیان. دەرخەری ئەو راستییەن، کە هێزی ئەمنی ڕێز لە گردبونەوەی ئاشتیخوازانە و ئازادی رۆژنامەگەری ناگرێت". 

ئه‌ركان عه‌لی‌ په‌یامنێری‌ كه‌ناڵی‌ رووداو به‌ میترۆی‌ راگه‌یاند: كاتژمێر 2ی‌ پاشنیوه‌ڕۆ به‌مه‌به‌ستی‌ روماڵكردنی‌ گردبوونه‌وه‌ی‌ هاوڵاتیانی‌ ناحیه‌یی‌ پیره‌مه‌گرون له‌سه‌ر دانانی‌ كامێرای‌ تیژڕه‌وی‌، چوینه‌ ئه‌و ناحیه‌یه‌ و سه‌ره‌تا گردبوونه‌وه‌كه‌ به‌ هێمنی‌ به‌ڕێوه‌ ده‌چوو، دواتر  هێزێكی‌ ئه‌منی‌ هاتن و په‌لاماریان داین و كه‌لو په‌له‌ رۆژنامه‌وانیه‌ كانیان لێوه‌ر گرتین و له‌ كامێرامانه‌كه‌م (ئالان محمه‌د)یاندا.  

ڕامیار عوسمان په‌یامنێری‌ كه‌ناڵی‌ په‌یام باسی‌ له‌ساتی‌ هێرشكردنه‌ سه‌ر تیمه‌كه‌یان ده‌كات و بۆ میترۆ وتی‌، دوای‌ ته‌واو بوونی‌ گردبوونه‌وه‌كه‌ هێزێكی‌ ئه‌منی‌ هاتن و له‌ پێشدا په‌خشی‌ راسته‌وخۆكه‌یان راگرت، دواتر سه‌رجه‌م كه‌لوپه‌له‌ رۆژنامه‌وانیه‌كانمان ده‌ستیان به‌سه‌رداگرت و كامێرامانه‌كه‌م (جیهاد عبدوالرحمان)  بۆ ماوه‌ی‌ نیو كاتژمێر ده‌ستگیركرا و دواتر له‌به‌رده‌م ئاسایشی‌ پیره‌مه‌گرون ئازاد كرا.

گۆران لوقمان په‌یامنێری‌ ئێن ئاڕتی‌ ئاماژه‌ی‌ به‌وه‌كرد،ئێمه‌ وه‌كو تیمی‌ رۆژنامه‌وانی‌ ئێن ئاڕتی‌ چوینه‌ ئه‌وێو و روماڵی‌ گردبوونه‌وه‌كه‌مان ده‌كرد و له‌كاتی‌ خوێندنه‌وه‌ی‌ به‌یاننامه‌ی‌ خۆپیشانده‌ران، هێزێكی‌ ئه‌منی‌ هاتن و كه‌ زۆربه‌یان دامامكداربوون، هه‌ڵیان كوتایه‌ سه‌رمان و من و كامێرامانه‌كه‌م (كۆژین كامه‌ران) ده‌ستگیركراین و ده‌ستیشیانگرت به‌سه‌ر سه‌رجه‌م كه‌لوپه‌له‌ رۆژنامه‌وانیاكانماندا و به‌زه‌بری‌ هێز ئێمه‌یان خسته‌ پشتی‌ ئۆتۆمبێله‌كه‌یان، دواتر بردیانینه‌ بنكه‌ی‌ ئاسایشی‌ ناحیه‌ی‌ پیره‌مه‌گرون و له‌وێ‌ بۆ ماوه‌ی‌ نیو كاتژمێر ده‌ستبه‌سه‌ر بووین. 

گۆران وتیشی‌: هێزه‌ ئه‌منیه‌كان به‌و مه‌رجه‌ ئێمه‌یان ئازادكرد كه‌ نابێت له‌ ناحیه‌ی‌ پیره‌مه‌گرون بمێنینه‌وه‌ و روماڵبكه‌ین. 

"شکاندنی کەلوپەلی رۆژنامەوانیان، دەستبەسەرکردنی و سوکایەتی بە پیشەکەیان، لە ناحییەی پیرەمەگرونی‌ سەر بە پارێزگای سلێمانی، دەرخەری ئەو راستییەن، کە هێزی ئەمنی ڕێز لە گردبونەوەی ئاشتیخوازانە و ئازادی رۆژنامەگەری ناگرێت لە بۆسەیدایە بۆ پێشێلکردنی ئەو مافانە." سه‌نته‌ری میترۆ له‌ به‌یاننامه‌كه‌یدا واده‌ڵێت.
 
هه‌ر له‌ به‌یاننامه‌كه‌دا میترۆ پشتیوانی لە پەیامنێرو وێنەگر و کارمەندانی ئەو کەناڵانە دەکات و ئازاردانییان لە لەلایەن هێزی ئەمنی، شەرمەزار دەکات.


PM:06:58:26/05/2023


ئه‌م بابه‌ته 1336 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو