ژماره‌ی‌ ئۆتۆمبێله‌كان له‌ عێراق راگه‌یه‌ندرا


وێستگه‌ نیوز-
به‌ گوێره‌ی دوایین ئاماری به‌ڕێوه‌به‌رایه‌تی گشتی‌ هاتووچۆی عێراق، ژماره‌ی ئۆتۆمبێل له‌ عێراق جگه‌ له‌ هه‌رێمی كوردستان، گه‌یشتووه‌ته‌ حه‌وت ملیۆن ئۆتۆمبێل.

عه‌مید زیاد قه‌یسی، به‌ڕێوه‌به‌ری راگه‌یاندن و په‌یوه‌ندییه‌كانی هاتووچۆی عێراق له‌ لێدوانێكی‌ ته‌له‌فزیۆنیدا وتی: "ژماره‌ی ئۆتۆمبێل له‌ به‌غدا ده‌گاته‌ چوار ملیۆن ئۆتۆمبێل، له‌ هه‌موو عێراقیش حه‌وت ملیۆن ئۆتۆمبێله‌ جگه‌ له‌ هه‌رێمی كوردستان".

وتیشی‌: "بڕیاره‌كانی ئه‌نجومه‌نی وه‌زیران سه‌باره‌ت به‌ ماتۆڕسكیل و توك توك زۆر به‌ زوویی ده‌چێته‌ بواری جێبه‌جێكردنه‌وه‌".

ئاماژه‌شی‌ به‌وه‌دا كه‌ "هه‌ندێك له‌و بڕیارانه‌ له‌سه‌ر بنه‌مای پێشنیازێكی به‌ڕێوه‌به‌رایه‌تی هاتوچۆ بووه‌ به‌تایبه‌تی بۆ وه‌ستانی هاورده‌كردنی‌ ماتۆڕسكیله‌كان".

به‌ڕێوه‌به‌ری راگه‌یاندن و په‌یوه‌ندییه‌كانی هاتووچۆی عێراق راشیگه‌یاند كه‌ "هه‌ندێك له‌ نه‌فس نزمه‌كان ماتۆڕیان وه‌ك كه‌لوپه‌لی‌ یه‌ده‌ك له‌ سنووره‌كانه‌وه‌ هێناوه‌ و دواتر به‌ستوویانه‌ و وه‌ك ماتۆڕ فرۆشتوویانه‌".


AM:11:27:26/05/2023


ئه‌م بابه‌ته 11452 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت