هۆشدارییه‌ك له‌ وه‌زاره‌تی ناوخۆی عێراقه‌وه‌ سه‌باره‌ت به‌ دۆلار


وێستگه‌ نیوز –
وه‌زاره‌تی ناوخۆی عێراق هۆشداریی ده‌داته‌ هاوڵاتیان و رایده‌گه‌یه‌نێت كه‌ ده‌بێت كڕین و فرۆشتن به‌ دیناری عێراقی بێت نه‌ك به‌ دۆلار و هه‌ركه‌س پابه‌ند نه‌بێت روبه‌ڕووی لێپێچینه‌وه‌ی یاسایی ده‌بێته‌وه‌.


خالید میحنا وته‌بێژی وه‌زاره‌تی ناوخۆ بۆ ئاژانسی به‌غداد ئه‌لیه‌وم، وتی‌: "هۆشداری ده‌ده‌ین له‌ مامه‌ڵه‌ كردن به‌ دۆلار له‌ بری دیناری عێراقی له‌ بازاڕه‌ ناوخۆییه‌كاندا".

وتیشی‌: "رێنمایی حكومه‌ت هه‌یه‌ كه‌ ده‌بێت دراوی بیانی له‌ مامه‌ڵه‌ی بازاڕه‌ ناوخۆییه‌كان دوربخرێته‌وه‌ و ته‌نها به‌ دیناری‌ عێراقی‌ مامه‌ڵه‌ و كڕین و فرۆشتن بكرێت".

وته‌بێژی وه‌زاره‌تی ناوخۆ ئاماژه‌شی‌ به‌وه‌دا كه‌ "ته‌نها ئه‌وانه‌ دۆلاریان پێویسته‌ كه‌ هاورده‌كاری سه‌ره‌كین، له‌ ناو بازاڕی ناوخۆدا پێویست ناكات كڕین و فرۆشتن به‌ دۆلار یان هه‌ر دراوێكی تری بیانی بكرێت".

راشیگه‌یاند كه‌ "وه‌زاره‌تی ناوخۆ به‌دواداچوون ده‌كات و هه‌ر كه‌سێك پابه‌ندی ئه‌م رێنماییه‌ نه‌بێت توشی لێپێچینه‌وه‌ی یاسایی ده‌بێت".


AM:09:08:21/05/2023


ئه‌م بابه‌ته 9580 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو