ئێران_لە رێورەسمەکانی پێشوازی لە نەورۆز 27 کەس گیان لەدەستدەدەن
وێستگەنیوز_
لە رێوڕەسمەکانی چوارشەممە سووری لە ئێران کە بۆ پێشوازی لە نەورۆزئەنجامدەدرێت، 27 کەس گیانیانلەدەستدا و زیاتر لە چوار ھەزار کەسیش برینداربوون.
بەپێی راگەیەندراوێکی رێکخراوی فریاگوزاری ئێران، لە رێوڕەسمەکانی چوارشەممە سووری لە سەرانسەری ئێران، بەھۆی تەقاندنی یارییە ئاگرینییەکان و ئاگرکردنەوە، 27 کەس گیانیانلەدەستداوە و چوار ھەزار و 95 کەسیش برینداربوون، کە ژمارەیەکیان برینەکانیان سەختە و لە چاودێری چڕدان.
رێکخراوی فریاگوزاری ئێران راشیگەیاند، ئەگەرچی بەشێک لە بریندارەکان چارەسەرکراون، بەڵام ژمارەیەکی دیکە دووچاری بڕینی ئەندامی جەستە بوونەتەوە و بەشێکیشیان زیانی زۆر بەر چاویان کەوتووە.
ساڵانە رێوڕەسمەکانی چوارشەممە سووری لە ئێران گیانلەدەستدان و برینداربوونی لێدەکەوێتەوە، لەو رێوڕەسمەدا کە لە دوایین چوارشەممەی وەرزی زستاندا دەکرێت، لە شەقام و گۆڕەپانەکان و شوێنە بەرزەکان ئاگر دەکرێتەوە و خەڵک باز دەدات بەسەریدا.
AM:10:02:15/03/2023
ئه‌م بابه‌ته 1160
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت