سوودانی: ئامانجمانە فەرەنسا لە بەرەوپێشبردنی هێزە ئەمنییەکانمان هاوبەشمان بێت


وێستگەنیوز_

محه‌ممه‌د شیاع سوودانی، سه‌رۆك وه‌زیرانی عێراق رایگەیاند، هیواخوازه‌ سه‌ردانه‌كه‌ی بۆ فه‌ره‌نسا ئاماژەیەکی باش بێت و بناغەی دروست بۆ هاوبەشییەکی بەردەوام دابڕێژێت.

دوێنێ سێشەممە محەممەد شیاع سوودانی، به‌ رۆژنامه‌ی لۆمۆندی فه‌ره‌نسی راگه‌یاندووه‌، به‌هه‌موو بڕوایانه‌وه‌ كار بۆ ئه‌وه‌ ده‌كات به‌ره‌وپێشبردنی په‌یوه‌ندییه‌ هه‌رێمی و نێوده‌وڵه‌تییه‌كانی له‌سه‌ر بنه‌مای هاوبه‌شی و هاوسه‌نگی و دوور له‌ لایه‌نگری بێت، بایه‌خێكی زۆر به‌ سیاسه‌تی هاوبه‌ش له‌گه‌ڵ وڵاتانی جیهان و به‌تایبه‌تیش فه‌ره‌نسا ده‌دات.

ئاماژەی بەوەشکردووە، وەڵامدانەوەی بەغدا و پاریس بۆ گرنگی ستراتیژی پەیوەندیی نێوان هەردوو وڵات وایکرد زیاتر پەرۆشی پەرەپێدانی ئەو پەیوەندییە دووقۆڵییە و بنیاتنانی لەسەر بناغە پتەوەکانی بێت.

باسی لەوەشکرد، "له ‌شه‌ڕی دژ به‌ تیرۆردا فه‌ره‌نسا له‌ پێشكه‌شكردنی هاوكاریییه‌كانی و ئازادكردنی شاری مووسڵ رۆڵی گه‌وره‌ی گێڕا، بۆیە ده‌مانه‌وێت فه‌ره‌نسا له ‌بواری چه‌ك و راهێنان و هه‌واڵگریدا هاوبه‌شمان بن و ئامانجمانه‌ ئاستی هێزه‌ شه‌ڕكه‌ر و ئه‌منییه‌كانمان به‌ره‌وپێشتر ببه‌ین."


AM:09:36:25/01/2023


ئه‌م بابه‌ته 588 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت