سەرۆکی پەرلەمانی کوردستان و بریكاری UN لهسهر هەموارکردنی یاسای هەڵبژاردن و تۆماری دەنگدەران گفتوگۆیان كرد
وێستگه نیوزـ
سەرۆکی پەرلەمانی کوردستان و بریكاری سکرتێری گشتیی رێکخراوی نەتەوەیەکگرتووەکان بۆ کاروباری سیاسی و نێردەی تایبەتیی سکرتێری گشتیی نەتەوەیەکگرتووەکان بابەتی هەڵبژاردنی داهاتووی پەرلەمانی کوردستانیان تاوتوێکرد و گفتوگۆیان لهسهر هەموارکردنی یاسای هەڵبژاردن و تۆماری دەنگدەران كرد.
رێواز فایەق، سەرۆکی پەرلەمانی کوردستان ئهمڕۆ سێشەممە، لەگەڵ دیکارلۆ رۆزمێری، بریكاری سکرتێری گشتیی رێکخراوی نەتەوەیەکگرتووەکان بۆ کاروباری سیاسی و ئاشتی و جێنین پلاسخارت، نێردەی تایبەتیی سکرتێری گشتیی رێکخراوی نەتەوەیەکگرتووەکان بۆ عێراق کۆبووەوە.
لەبارەی کۆبوونەوەکە لە تویتەر بڵاویکردەوە، رێواز فایەق پێکەوە لەبارەی "دوایین پێشهاتە هەرێمییەکان و لەوانەش هەڵبژاردنی داهاتووی هەرێمی کوردستانی عێراق قسەمان کرد".
باسی لهوهشكردوه كه لەبارەی پێشکەوتنەکانی ئەمدواییە لە دانوستانی نێوان پارتەکان بۆ هەموارکردنی یاسای هەڵبژاردن و تۆماری دەنگدەران قسەیان کردوە.
PM:11:15:24/01/2023
ئهم بابهته 928
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت