دەستەی دەستپاكی عێراق: بڕی زیاتر لە 3 ملیار دینار گەڕێنرایەوە بۆ بانكی پیشەسازی بەغدا


وێستگەنیوز-

دەستەی دەستپاكی عێراق رایدەگەیەنێت ، زیاتر لە 3 ملیار دیناریان گەڕاندۆتەوە بۆ لقێكی بانكی پیشەسازی لە بەغدا، دەشڵێت،" لە ساڵی 2016ەوە قەرزە دراوە بۆ دامەزراندنی كارگەیەكی ریسایكلینی خۆڵ و خاشاك لە پارێزگای بابل".


بەڕێوەبەرایەتی لێكۆڵینەوە دەستەی دەستپاكی عێراق لە راگەیەنراوێكدا بڵاویكردەوە، كە قەرزدارێك بڕی 3 ملیارو 200 ملیۆن دیناری رادەستی لقی بانكی پیشەسازی كردەوە، پاش ئەوەی داوای گەڕاندنەوەی لێكرابوو.

ئاماژە بۆ ئەوەشكراوە، لەساڵی 2016ـەوە ئەو قەرزە دراوە بۆ دامەزراندنی كارگەیەكی ریسایكلینی خۆڵ و خاشاك لە پارێزگای بابل دواتر ئاشكرا بووە، كە كارگەكە لە بنەڕەتدا بونی نەبووە، بۆیە داوای گەڕاندنەوەی پارەكەی لێكراوە.

دەستەی دەستپاكی باسی لەوەشكردوە، كە قەرزدارەكە داوایكردوە كە پارچەیەك زەوی كە خاوەندارێتی بۆ شارەوانی حللـە دەگەڕێتەوە بەكرێ وەربگرێت، بەڵام ناوبراو هیچ رێوشوێنێكی بۆ وەرگرتنی زەویەكە ئەنجام نەداوە.


PM:11:03:22/01/2023


ئه‌م بابه‌ته 208 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت