فوئاد حوسێن: ره‌شنووسی بودجه‌ی 2023ـی عێراق ئاماده‌یه‌ و پێداچوونەوەی کۆتایی بۆ دەکرێت

وێستگەنیوز-

فوئاد حوسێن، جێگری سه‌رۆك وه‌زیران بۆ کاروباری ئابووری و سەرۆکی لیژنەی دارایی و ئابووری ئەنجوومەنی وەزیرانی عێراق، به‌ كوردستان24ـی راگه‌یاندووە، ره‌شنووسی بودجه‌ی 2023ـی عێراق ئاماده‌یه‌ و  بڕه‌كه‌ی پتر له‌ 130 ملیار دۆلاره‌، به‌و پێیه‌ی نرخی یه‌ك به‌رمیل نه‌وت له‌ نێوان 65 تا 75 دۆلار مه‌زه‌نده‌كراوه‌.

هه‌روه‌ها فوئاد حوسێن راشيگەیاند، ژمارەیەک کۆبوونەوەی چڕیان لە بارەی رەشنووسی بودجەی ساڵی 2023 ئەنجامداوە و رەشنووسەکە ئامادەیە و پێداچوونەوەی کۆتایی بۆ دەكرێت.

ده‌شڵێت: "لە رۆژانی داهاتوو پاش تەواوبوونی، رەوانەی دەستەی سەرۆکایەتی پەرلەمانی عێراقی دەکەین".

PM:09:56:22/01/2023

ئه‌م بابه‌ته 1480 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت