دابه‌شكردنی نه‌وت له‌ كامپه‌كان ده‌ستیپێكرد

‌دابەشکردنی نەوتی سپی. وێنە: ئەرشیڤ

وێستگه‌نیوزـ

دابه‌شكرنی نه‌وتی سپی به‌سه‌ر ئاواره‌ی ناو كه‌مپه‌كان له‌ شاره‌كانی هه‌ولێر، سلێمانی، دهۆك و ئیداره‌كانی گه‌رمیان و زاخۆ ده‌ستپێكرد كه‌ هه‌ر ماڵێك 100 لیتری پێده‌درێت.


بەرێوه‌بەرایه‌تی گشتی ناوه‌ندی‌ هاوبه‌شی‌ هه‌ماهه‌نگی‌ قه‌یرانه‌كان رایگه‌یاند: "ئه‌مڕۆ پێنچشەمە بەهەماهەنگی ناوه‌ندی‌ هاوبه‌شی‌ هه‌ماهه‌نگی‌ قه‌یرانه‌كان و پارێزگاکانی هەولێر، سلێمانی، دهۆک و ئیدارەی سەربەخۆی زاخۆ و گەرمیان و وەزارەتی کۆچ و کۆچبەرانی عێراق دەستکرا دابه‌شكردنی‌ بڕی‌ 100 لتر نه‌وتی سپی به‌سه‌ر هه‌ر خێزانێكی‌ ئاواره‌ له‌ ناو كه‌مپه‌كان له‌ هه‌رێمی‌ كوردستان".

ئاماژه‌ی به‌وه‌شداوه‌: ئه‌م بڕه‌ وه‌ك قۆناغی‌ یه‌كه‌مه‌ و بڕیاروایە له‌ داهاتوویه‌كی‌ نزیك بڕی‌ 100 لتری تر  بۆ هه‌ر خێزانێكی‌ تری‌ ئاواره‌ی‌ ناو كه‌مپه‌كان دابه‌ش دەکرێت.


PM:02:38:10/11/2022


ئه‌م بابه‌ته 5452 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت