پۆلیسی سلێمانی: دوو تۆمەتبار دەستگیرکران كه كێبڵی كاره‌بایان دزیووه
وێستگه نیوزـ
به‌ڕێوه‌به‌رایه‌تیی پۆلیسی سلێمانی رایگه‌یاند بەتۆمەتی دزینی كێبڵ و وایەری كارەبایی لەقەزای دوكان دوو تۆمەتبار دەستگیركران.
"دوای ئەوەی چەند هاوڵاتییەك سكاڵایان تۆماركرد كە كێبڵ و وایەری كارەبایییان لێدزراوە لە پڕۆژەگەشتیاریەكان و خانووە تازەدروست كراوەكان ،ێزەكانی پۆلیسی قەزای دوكان لێكۆڵینەوەكانی دەستپێكردوو دوای بەدواداچوونەكان توانرا لەلایەن بنكەی پۆلیسی فریاكەوتنی دوكانەوە دوو تۆمەتبار دەستگیربكرێت و لەكاتی دەستگیركردنیشیاندا دەستگیرا بەسەر بڕێك كێبڵ و وایەری كارەبایی." پۆلیسی سلێمانی له راگه‌یه‌ندراوێكدا وای وتوه.
به‌پێی راگه‌یه‌ندراوه‌كه، لەئێستادا تۆمەتباران (أ ، ع ، ع لەدایكبوی ١٩٨٦ ) و( أ ، س ، ع لەدایكبووی ١٩٩٣ ) بەبڕیاری بەڕێز دادوەرو بەپێی ماددەی ٤٤٦ لەیاسای سزادانی عیراقی ڕاگیراون و دانیان ناوە بەتاوانەكەیاندا، و لێكۆڵینەوە لەگەڵیاندا بەردەوامە .
PM:11:09:30/09/2022
ئه‌م بابه‌ته 1068
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت