عه‌سایبی ئه‌هلی هه‌ق: له‌ به‌غدا بۆنی كوده‌تا دێت


وێستگەنیوز_

عه‌سائیب ئه‌هل حه‌ق رایده‌گه‌یه‌نێت، جموجۆڵه‌كانی شه‌وانی به‌غدا بۆنی كوده‌تای لێدێت.

عەلی جەمالی، ئه‌ندامی فراكسیۆنی پەرلەمانی سادقونی بزووتنەوەی عەسائیبی ئەهلی حەق، رایده‌گه‌یه‌نێت، رۆژانه و شه‌وانه‌‌ نمایشی سه‌ربازی له‌ به‌غدای پایته‌خت ئه‌نجام ده‌درێت كه‌ بۆنی كوده‌تای لێدێت.

ئاماژه‌ی به‌وه‌شكردووه‌، ئه‌و رێوشوێنه‌ ئه‌منیانه‌ی له‌ كه‌رخ، ره‌سافه‌ و ناوچه‌ی سه‌وز رووده‌ده‌ن، سیناریۆی ئه‌نجامدانی كوده‌تایه‌ و ترس و دڵه‌ڕاوكێی له‌ناو هاووڵاتیانی به‌غدا دروستكردووه‌.

جه‌ختده‌كاته‌وه‌، ئەرکی هێزه‌ ئەمنییەکان پاراستنی دەوڵەتە لە هەر لایەنێک کە به‌كوده‌تا بیه‌وێ هەوڵی رووخاندنی پڕۆسەی سیاسی بدات به‌هه‌ر جۆرێك بێت، جا چ سەربازی بێت یان بە شێوەیەکی دیكه‌.


AM:11:40:23/09/2022


ئه‌م بابه‌ته 908 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت