بە تۆمەتی گەندەڵی لێکۆڵینەوە لە وەزیری نەوتی عێراق و چەند بەرپرسێکی تر دەکرێت

‌ئیحسان عەبدولجەبار، وەزیری نەوتی عێراق

وێستگه‌نیوزـ

بە تۆمەتی‌ تێوەگلان لە گەندەڵی‌ وەزیری‌ نەوتی‌ عێراق و چەند بەرپرسێکی‌ باڵای‌ وەزارەتەکەی بانگهێشتی‌ دادگا کراون.

دەستەی دەستپاکی عێراق رایگەیاند، دادگای لێکۆڵینەوەی کەرخ فەرمانێکی بۆ بانگهێشتکردنی ئیحسان عەبدولجەبار، وەزیری نەوتی عێراق و یەکێک لە یاریدەدەرانی و دوو بەڕێوه‌بەری گشتی وەزارەتەکە دەرکردووە.

ئاماژە بەوەشکراوە، وەزیری نەوت بە تۆمەتی بەکارهێنانی پۆستەکەی بۆ بەرژەوەندی خۆی و دەستبەسەرداگرتنی پارچە زەوییەک دادگایی دەکرێن.

ئەوەشخراوەتەڕوو، دۆسییەی وەزیر و بەرپرسانی تری وەزارەتی نەوت بەپێی ماددەی 316ی عێراقی لێکۆڵینەوەی لێدەکرێت.

ئەمەش لەکاتێکدایە، لە هەرێمی کوردستان بەوتەی‌ دەستەی‌ دەستپاکی‌ و داواکاری‌ گشتی‌ چەندین بەرپرسی‌ باڵا لە گەندەڵیەوە تێوەگلاون بەڵام تا ئێستا هیچ کەسێکیان سزا نەدراون.


PM:11:50:21/09/2022


ئه‌م بابه‌ته 352 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت