مەسعود بارزانی پێشوازی لە سەرۆک هاوپەیمانێتی سیادە کرد
وێستگەنیوز_
ئەمرۆ پێنجشەممە 11ـی ئابی 2022، لە سەلاحەدین مەسعود بارزانی پێشوازی لە خەمیس خەنجەر، سەرۆكی هاوپەیمانێتیی سیادە كرد.
لە کۆبوونەوەکەدا هەردوولا بیروڕایان لەبارەی دوایین گۆڕانكاری و پێشهاتەكانی ناو پڕۆسەی سیاسیی عێراق ئاڵوگۆڕ كرد.
هاوکات جەخت لەسەر هەماهەنگی و كاری هاوبەشی نێوانیان كرایەوە بۆ دەربازبوون لە چەقبەستوویی سیاسی.
پەیوەست بە قەیرانی سیاسیی عێراق، هەردوولا ئەوەیان دووپات كردەوە كە هەر دەستپێشخەری و هەنگاوێكی نوێ پێویستە بە ئاراستەی باشتركردنی دۆخی سیاسیی عێراق و كۆتایهاتنی قەیرانی سیاسی بێت.
هەروەها هاوڕابوون كە ئەنجامدانی هەڵبژاردنی پێشوەختە هەنگاوێكی باشە بە مەرجێك كە هەموو لایەك پابەندی ئەنجامەكانی بن.
PM:05:17:11/08/2022
ئه‌م بابه‌ته 1400
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت