محەمەد حەلبوسی پشتیوانی داواکەی سەدر بۆ ئەنجامدانی هەڵبژاردنی پێشوخت دەکات
وێستگەنیوز-
سەرۆکی پەرلەمانی عێراق پشتیوانی خۆی بۆ داوایەکی موقتەدا سەدر ڕاگەیاند کە داوای ئەنجامدانی هەڵبژاردنی پێشوەختەی کردبوو.
محەمەد حەلبوسی، سەرۆکی پەرلەمانی عێراق لە تویتێکیدا کە دوانیوەڕۆی ئەمڕۆ هەینی 5 ی ئابی 2022 بڵاویکردەوە، نوسیویەتی، "پەرلەمان نوێنەری گەلە، ئەو جەماوەرەش کە کۆبووەتەوە بەشێکە لە کیان و ویژدانی، بەهیچ شێوەیەک ناکرێت گرنگی بە داواکانیان بۆ ئەنجامدانی هەڵبژاردنی پێشوەختە نەدرێت".
ئەوەشی نووسیوە، " پشتیوانی ئەنجامدانی هەڵبژاردن ئەکەم لە ماوەیەکی کاتی کە ڕێککەوتنی لەسەر بێت، تا ڕەوتی دیموکراسی بەردەوام بێت لەژێر سەقفی بەرژەوەندییە نیشتیمانی و باڵاکانی وڵات".
ماوەی هەفتەیەکە لایەنگرانی ڕەوتی سەدر بەردەوامن لە ئەنجامدانی
خۆپیشاندان لە ناوچەی سەوز و خۆپیشاندەران دەڵێن واز لە خۆپێشاندان ناهێنن
تاوەکو ئامانجەکەیان بەدەستدەهێنن.
لایەنگرانی سەدر سوورن لەسەر جێبەجێکردنی داواکارییەکان بۆ هەڵوەشاندنەوەی پەرلەمان و ئەنجامدانی هەڵبژاردنی پێشوەختە.
رۆژی چوارشەممە، موقتەدا سەدر هەموو گفتوگۆیەکی لەگەڵ چوارچێوەی هەماهەنگی
رەتکردەوە و داوای هەڵوەشاندنەوەی پەرلەمان و هەڵبژاردنی نوێی کرد.
ئەمڕۆ هەینیش موهەنەد موسەوی، وتارخوێنی نوێژی هەینی سەدرییەکان جەختی لە داوا ئەنجامدانی هەڵبژاردنی پێشوەختە کردەوەو وتی، "هەڵبژاردنی پێشوەختە داواکاری جەماوەرە".
PM:02:38:05/08/2022
ئهم بابهته 2048
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت