بازرگانی عيراق پلانێکی نوێی لەبارەی بەشە خۆراکی هاوڵاییانەوە ئاشکرا کرد
فۆتۆ: ئەرشیڤ
وێستگهنیوزـ
وەزیری بازرگانی عیراق رایگەیاند، پلانیان هەیە مادەکانی بەشەخۆراکی مانگانەی هاوڵاتیان زیادبکەن. دەشڵێت، " دوو ملیۆن و 50 هەزار تهن گەنم لە بازاری عیراقدا هەیە".
عەلا جبوری، وەزیری بازرگانی عیراق بە ئاژانسی فەرمی هەواڵی عیراقی راگەیاند: "پلانمان هەیە مادەکانی بەشەخۆراکی مانگانەی هاوڵاتیان زیادبکەین تا نرخەکان بە جێگیری بمێنێتەوە".
ئەوەشی خستەڕوو، تا ئێستا دوو ملیۆن و 50 هەزار تهن گەنم لە جوتیارن وەرگیراوە و وەرگرتنی گەنمیش بەردەوامە.
وەزیری بازرگانی عیراق وتیشی: "بۆ پرکردنەوەی پێویستی ناوخۆ پێویستییان بە هاوردەکردنی یەک ملیۆن تۆن گەنم هەیە".
ئەوەشی ئاشکرا کرد، ئەو رێژەیەی گەنم تا ئێستا لە جوتیاران وەرگیراوە زۆر باشە و دڵخۆشکەرە.
ئەمەش لەکاتێکدایە، بەهۆی شەڕی ئۆکرانیاوە نرخی خۆراک و بە تایبەت گەنم لە بازارەکانی جیهاندا بەرزبووەتەوە و بۆ ئەو مەبەستەش حکومەتی عیراق بریاریدا بەبێ مەرج تەواوی گەنمی جوتیاران وەربگرێت.
PM:02:05:01/07/2022
ئهم بابهته 5524
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت