مەسعود بارزانی: چوارچێوەی هەماهەنگی ناوێکی دیکە بهێننە پێش نەک مالیکی

‌مەسعود بارزانی

رۆژی یەکشەممەی رابردوو، موقتەدا سەدر فەرمانی بە تەواوی ئەندامانی فراکسیۆنەکەی کرد دەستلەکارکێشانەوەکانیان بدەنە سەرۆکایەتی پەرلەمان، دواتریش سەرۆکی پەرلەمان واژۆی لەسەر کرد.

هەر پاش دەستلەکارکێشانەوەکەش سەدر بڕیاریدا بە داخستنی دامەزراوەکانی تایبەت بە رەوتەکەی، جگە لە چەند دامەزراوەیەک.

پاش دەستلەکارکێشانەوەکەی کوتلەی سەدریش؛ دەنگۆی ئەوە بڵاوبووەوە کە پەرلەمانتارانی پارتیش دەستلەکاردەکێشنەوە، لەو بارەیەشەوە شیروان دووبەردانی ئەندامی پەرلەمانی عێراق لە فراکسیۆنی پارتی رایگەیاند، تا ئێستا هیچ فەرمانێکیان لە سەرۆکی پارتەکەیانەوە پێنەگەیشتووە لەبارەی دەستلەکارکێشانەوەیان لە پەرلەمان. وتیشی، "ئەو دەنگۆیانەی باس لە دەستلەکارکێشانەوەی فراکسیۆنەکەیانەوە بڵاوکراوەتەوە دوورە لە راستییەوە."

لەدوای دەستلەکارکێشانەوەکەی سەدریشەوە مه‌شعان جبوری ئەندامی پەرلەمانی عێراق لە فراکسیۆنی سیادە لە تویتەری خۆی سیناریۆی دوای دەستلەکارکێشانەوەی فراکسیۆنی سەدری ئاشکرا کرد و باسی لەوەکرد، حکومەتەکەی کازمی دەمێنێتەوە و پەڕلەمان خۆی هەڵدەوەشێنێتەوە و ساڵی داهاتوو هەڵبژاردنی پێشوەختەی پەرلەمان ئەنجامدەدرێت.