سەرۆکی دەزگای مین بۆ وێستگەنیوز: سوپای تورکیا و ئێران ناوچەکانمان مینڕێژ دەکەن
وێستگەنیوز-
سەرۆکی دەزگای گشتی کاروباری مین لەهەرێمی کوردستان رایگەیاند، لەساڵی 2021 زیاتر لە 601 هەزار مەتر دووجا ناوچەی مینڕێژکراو پاک کراوەتەوە و 2008 مین لە ناو براون، لەوەڵامی پرسیارێکی وێستگەنیوزیش لەبارەی چاندنی مین لەلایەن سوپای تورکیا و ئێرانەوە وتی، "سوپای ئەو وڵاتانەش کەدێنە هەرێم بێگومان ناوچەکانمان مینڕێژ دەکەن".
جەبار مستەفا، سەرۆکی دەزگای گشتی کاروباری مین لەکۆنفرانسێکی رۆژنامەنوسیدا باسی لەوەشکرد، "ساڵی رابردوو 23 کێڵگەی مینڕێژکراو پاکراوەتەوە و 42 کەسیش بەهۆی مینەوە بوونەتە قوربانی، لەو ژمارەیەش نۆ کەسیان گیانیان لەدەستداوە".
ئاماژەی بەوەشکرد، لەم کاتەشدا 3301 کێڵگەی پیسبوو بەمین و تەقەمەنی لەکوردستان هەیە و رووبەرەکەیان 255 کیلۆمەترە.
لەوەڵامی پرسیارێکی پەیامنێری وێستگەنیوزیش سەبارەت بە ئەگەری چاندنی مین لەلایەن سوپای تورکیا و ئێران لەناوچە سنورییەکانی هەرێم، سەرۆکی دەزگای گشتی کاروباری مین وتی "کاتێک وڵاتانی هەرێمی وەکو سوپای تورکیا و ئێران دێنە ناو هەرێمی کوردستان، کە دێن گوڵ ناچێنن و بەدڵنیاییەوە مینیان چاندووە".
لینکی لێدوانی ڤیدیۆیی سەرۆکی دەزگای گشتی کاروباری مین:
DuckDuckGo blocked this Facebook video
We blocked Facebook from tracking you when the page loaded. If you unblock this video, Facebook will know your activity.
Learn More
AM:11:11:18/01/2022
ئهم بابهته 3644
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت