ئەمریکا ڕیکۆردێک لە نێو نەخۆشخانەکانیدا تۆمار دەکات


وێستگەنیوز_

خزمەتگوزاری تەندروستیی و مرۆڤی ئەمریکا ڕایگەیاند، خەواندن لە نەخۆشخانەکانی ئەمریکادا بەهۆی ڤایرۆسی نوێی کۆرۆناوە، گەیشتە بەرزترین ئاست. 

بەپێی ڕاگەیاندنەکەی تەندرووستیی ئەو وڵاتە، ڕۆژی سێشەممە 11ی کانوونی دووەمی 2022، 145 ھەزار و 900 کەس بەھۆی تووشبوونیان بە ڤایرۆسی کۆرۆنا ڕەوانەی نەخۆشخانەکان کراون کە ئەمە بەرزترین ئاستە تۆمار کرابێت. 

تۆمارکردنی ئەم ڕیکۆردە نوێیەی نەخۆشخانەکان، پاش ئەوە دێ لە ڕۆژی سێشەممەدا،تەنها لە ئەمریکا 1 ملیۆن و 350 هەزار هاولاتی، تووشی ڤایرۆسی کۆرۆنا بوون. 

ڤایرۆسی نوێی کۆرۆنای ئۆمیکرۆن، لە مانگی تشرینی دووەمی ساڵی ڕابردوودا، لە باشووری ئەفریقادا دۆزرایەوە و ڕێکخراوی تەندروستیی جیهانیش ڕایگەیاند، ئەم ڤایرۆسە نوێیە چەندین جار بە قۆناغی پەرەسەندن (mutation)دا ڕۆیشتووە.




AM:07:31:12/01/2022


ئه‌م بابه‌ته 1120 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت