كه‌شناسیی هه‌رێم نوێترین پێشبینیی بۆ به‌فر و بارانی سبه‌ینێ بڵاوكرده‌وه‌


وێستگه‌ نیوزـ

به‌ڕێوه‌به‌رایه‌تیی كه‌شناسی و بومه‌له‌رزه‌زانیی هه‌رێمی كوردستان پێشبینی ده‌كات دره‌نگانی سبه‌ی شه‌و نمه‌باران ده‌ستپێ بكات و له‌ ناوچه‌ شاخاوییه‌انی كانی شاری هه‌ولێر و دهۆكیش به‌فر ببارێت.

كه‌شناسیی هه‌رێم رایگه‌یاندوه‌ كه‌ پێشبینی‌ ده‌كرێت سبه‌ینێ یه‌كشه‌ممه‌ ئاسمانی‌ هه‌رێم هه‌ور بێت و له‌دره‌نگانی‌ شه‌ودا هه‌وره‌كه‌ زیاتر چڕده‌بێته‌وه‌ و نمه‌باران له‌ ناوچه‌كانی‌ ناوه‌ڕاست و ڕۆژهه‌ڵات و باكوری‌ ڕۆژهه‌ڵات و به‌شێك له‌ ناوچه‌كانی‌ گه‌رمیان و ببارێت كه‌ هه‌ندێک جار هه‌وره‌ تریشقه‌ی‌ له‌گه‌ڵدا ده‌بێت.

ده‌شڵێت: به‌ڵام له‌ ناوچه‌كانی‌ دهۆك و باكوری‌ هه‌رێم پێشبینی‌ ده‌كرێت باران ببارێت له‌گه‌ڵ بارینی‌ به‌فر له‌ ناوچه‌ شاخاوییه‌كانی‌ هه‌ولێر و تا به‌ره‌به‌یانی‌ ڕۆژی‌ دووشه‌ممه‌ش كاریگه‌رییه‌كه‌ی‌ به‌ لاوازی‌ ده‌مێنێته‌وه‌ له‌ هه‌ندێک ناوچه‌.


PM:10:09:04/12/2021


ئه‌م بابه‌ته 14840 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت