وتهبێژی حكومهتی ههرێم: پێویسته سەنتەرەکانی ئەمنی هاوبەش لهنێوان پێشمهرگه و سوپای عیراق كارا بكرێن
جوتیار عادل، وتهبێژی حكومهتی ههرێمی كوردستان
وێستگه نیوز ـ
حكومهتی ههرێمی كوردستان رایگهیاند، جەخت لەسەر هەرچی زووی کارا کردنەوەی سەنتەری هاوبەشی ئەمنی نێوان هێزەکانی پێشمەرگە و سوپای عیراق دەکهن.
جوتیار عادل، وتهبێژی حكومهتی ههرێمی كوردستان له راگهیهندراوێكدا رایگهیاند: شەوی 27 لەسەر 28ی تشرینی دووهمی 2021، لە ناوچەی تەپی تەڵانی سنووری کوڵەجۆ، بۆمبێکی چێندراوی تیرۆرستانی داعش بە ئۆتۆمبێلێکی ھێزی پێشمەرگەدا تەقییەوە، بەو هۆیەوە پێنج پێشمەرگە شەهید بوون و چوار دیکەش بریندار بوون.
باسی لهوهشكردووه: حکومەتی هەرێمی کوردستان چەندین جار حکومەتی فیدراڵی ئاگادارکردوهتەوە لەو بۆشاییە ئەمنییە کە لە ناوچە کوردستانییەکانی دەرەوەی ئیدارەی هەرێمدا هەیە، کە بەھۆیەوە ئەو رێکخراوە تیرۆرستییە توانیویەتی ئەو دەرفەتە بقۆزێتەوە و لەو ناوچانە خۆی رێکبخاتەوە و، ببێتە ھەڕەشە بۆسەر دانیشتوانی ناوچەکە.
دهشڵێت: "حکومەتی هەرێمی کوردستان جەخت لەسەر هەرچی زووی کارا کردنەوەی سەنتەری هاوبەشی ئەمنی نێوان هێزەکانی پێشمەرگە و سوپای عیراق دەکاتەوە".
PM:06:17:28/11/2021
ئهم بابهته 27232
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت