ناوەرۆکی کۆبوونەی قوباد تاڵەبانی و باڵیۆزی ئیتاڵیا ئاشکرادەکرێ
دیمەنی کۆبوونەوەکە
وێستگەنیوز_
قوباد تاڵەبانی لەگەڵ لەبرونۆ ئەنتۆنیۆ باڵیۆزی ئیتاڵیا لە عێراق کۆبۆوە، بەپێی ڕاگەیەندراوێک، بە پێویستە زانراوە، کێشەى کۆچبەران نەک تەنیا لەسەر سنورەکان، بەڵکو لەسەر ئاستی ناوخۆیی هەرێمی کوردستان و عێراقیش چارەسەر بکرێت.
ئەمرۆ یەکشەممە 28ی تشرینی دووەمی 2021، نوسینگەی قوباد تاڵەبانی جێگری سەرۆکوەزیرانی هەرێم بڵاویکردەوە، لە کۆبونەوەکەیدا لەگەڵ باڵیۆزی ئیتاڵیا، باس لەدوایین گۆڕانکارییەکانی سەر گۆڕەپانی سیاسی لەعێراق کرا بەتایبەت لەقۆناغی دواى بەرێوەچوونی پرۆسەى هەڵبژاردنی ئەنجومەنى نوێنەران و هەنگاوەکان بۆ پێکهێنانی حکومەتى نوێ.
باسلەوەشکراوە، سەربارى خستنەڕووى کێشە و ئاستەنگەکان، پێویستی چارەسەرکردنی ئەو کێشانە لەرێى گفتوگۆوە دووپاتکرایەوە لەپێناو هێنانەکایەى ئاشتی و سەقامگیری لەعێراق دا، هەروەها تاوتوێکردنی ئەو چاکسازییانەى کە حکومەتى هەرێمی کوردستان گرتویەتیەبەر تەوەرێکی تری دیدارەکە بووە.
PM:05:32:28/11/2021
ئهم بابهته 2060
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت