ئاسایشی عێراق مه‌ترسیدارترین تۆڕی هاك و سیخوڕیی ده‌ستگیركرد


وێستگه‌ نیوزـ

خانه‌ی راگه‌یاندنی ئه‌منیی عێراق ده‌ستیگیركردنی تۆڕێكی راگه‌یاند كه‌ تایبه‌ت به‌ سیخوڕی و هاككردنی زانیاری، تۆڕه‌كه‌ به‌ یه‌كێك له‌ مه‌ترسیدارترین هاككه‌ره‌كانی عێراق هه‌ژمار ده‌كرێت.

خانه‌ی ئه‌منی له‌ راگه‌یه‌ندراوێكدا ئاشكرایكرد كه‌ ئاسایشی باشوری پارێزگای سه‌لاحه‌دین زانیاریی هه‌واڵگریی دروستی پێداون له‌سه‌ر بونی تۆڕێكی هاككردن و سیخوڕی له‌ناو پارێزگای كه‌ربه‌لا.

ده‌شڵێت كه‌ دوای وه‌رگرتنی ئه‌و زانیارییانه‌ به‌ هه‌ماهه‌نگی له‌گه‌ڵ پارێزگای سه‌لاحه‌دین هه‌ڵمه‌تێكی هه‌ڵكوتانه‌سه‌ر تۆڕه‌كه‌یان ئه‌نجامداوه‌ و پێنج تۆمه‌تباریان ده‌ستگیركردوه‌ كه‌ به‌ مه‌ترسیدارترین تۆڕی سیخوڕی و هاككردن له‌ عێراق داده‌نرێت.


PM:12:24:24/11/2021


ئه‌م بابه‌ته 784 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت