لە سلێمانی ئامادەكاری بۆ هاتنى لافاو دەکرێت


وێستگە نیوز-

قائیمقامیەتی سلێمانی ڕایگەیاند، بە ھەماھەنگی فەرمانگە پەیوەندیدارەکانی شارەکە لەگەڵ نزیک بوونەوەی وەرزی باران بارین ئامادەکاری پێشوەختی دەست پێکردووە بۆ ئەوەی لەکاتی لافاو رووداوی سروشتی بەھانای ھاوڵاتیانەوە بچن و کارەساتە سروشتییەکان نەبنە ھۆی رووداوی نەخوازراو.

ئەمڕۆ پێنجشەممە 28ی تشرینی یەکەمی 2021، قائیمقامیەتی پارێزگای سلێمانی لەراگەیەنراوێکدا ڕایگەیاند، وەک ھەنگاوی یەکەم تیمەکانی شارەوانی دەستیان کردووە بە پاک کردنەوەی مەنۆڵ و ئاوەڕۆکان بۆ ئەوەی لەکاتی باران بارینی بەخوڕ رێگری بکرێت لە دروست بونی لافاودا و کارەسات و رووداوی نەخوازراو.

ئاماژە بۆ ئەوەشکراوە، ھەڵسەنگاندن و پێداچونەوە بۆ ئەو شوێن و گەڕەکانەی سلێمانی دەکرێت کە لەساڵانی رابردوودا بەھۆی دروست بونی لافاو زیانیان بەرکەوتووە. 

باسلەوەشکراوە، لەرێگەی گرتنەبەری چەند ھەنگاوێکی پێویست و پێشوەخت بۆ رێگری کردن لە دروست بوونی لافاو زیان گەیاندن بە ھاوڵاتیان پارێزگاکە. 


PM:02:31:28/10/2021


ئه‌م بابه‌ته 6100 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت