به وێنە.. کونسوڵی فەڕەنسا جانتایەک هەناری هەڵەبجەی بردەوە وڵاتەکەی
کونسوڵی فەرەنسا لە هەولێر
وێستگه نیوز ـ
کونسوڵی فەڕەنسا لە هەولێر جانتایەك لە هەناری هەڵەبجەی لەگەڵ خۆی بردەوە پاریسی پایتەختی وڵاتەکەی.
ئەمڕۆ یەکشەممە، ئۆلیڤی دیۆتینی، کونسوڵی فەڕەنسا لە هەولێر لە توتێکدا، جانتایەك هەناری هەڵەبجەی پۆست کردووە و بە کوردی نووسیویەتی، "پاریس- گەڕانەوە لە هەڵەبجە".
کونسوڵی فەڕەنسا، لە فێستیڤاڵی ئەمساڵی هەناری هەڵەبجەدا بەشدارکردبوو، دواتر جانتایەک هەناری لەو فێستیڤاڵەدا لەگەڵ خۆی بردەوە.
ئەمە لەکاتێکدایە، لە 14ی تشرینی یەکەمی ئەمساڵ لە شاری هەڵەبجە و بە چاودێری وەزارەتی کشتوکاڵی حکومەتی هەرێم و بە بەشداری چەندین جوتیار حەوتەمین فێستیڤاڵی هەناری پایزی هەڵەبجە بەڕێوەچوو.
فێستیڤاڵی هەناری ئەمساڵ، حەوتەمین فێستیڤاڵی بوو و سێ رۆژی خایەند، تیایدا لە پاڵ بەرهەمی هەناری ئەم ساڵی هەڵەبجە و ناوچەکەدا، چەندین بەرهەمی تری وەک گوێز، هەنگوین و وشکەی تیایدا پێشکەشکرا.
PM:10:53:24/10/2021
ئه‌م بابه‌ته 3400
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت