شمخانی ئامۆژگارییه‌كی ئیسرائیل ده‌كات: پاره‌ بۆ ئه‌و وێرانه‌یه‌ دابین بكه‌ كه‌ به‌سه‌رتان دێت


وێستگه‌ نیوزـ

ئه‌مینداری گشتیی ئه‌نجومه‌نی باڵای ئاسایشی نه‌ته‌وه‌یی ئێران ئامۆژگاریی ئیسرائیل ده‌كات و له‌ وه‌ڵامێكی توندی تاران ئاگاداری ده‌كاته‌وه‌.

عه‌لی شمخانی، ئه‌مینداری گشتیی ئه‌نجومه‌نی باڵای ئاسایشی نه‌ته‌وه‌یی ئێران له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تیی تویته‌ر نوسیویه‌تی: باشتره‌ ئیسرائیل خه‌ریكی كۆكردنه‌وه‌ و دابینكردنی پاره‌ بێت بۆ بنیادنانه‌وه‌ی وڵاته‌كه‌ی، چونكه‌ ئێران وه‌ڵامێكی وێرانكه‌ری ده‌بێت بۆ ته‌لئه‌بیب.

شمخانی وتویه‌تی: له‌بری ئه‌وه‌ی ئیسرائیل یه‌ك ملیار و 500 ملیۆن دۆلار بۆ دژایه‌تیكردنی ئێران ته‌رخان بكات، باشتره‌ هه‌زاران ملیار په‌یدا بكات بۆ چاككردنه‌وه‌ی ئه‌و زیانه‌ گه‌وره‌یه‌ی كه‌ تاران پێی ده‌گه‌یه‌نێت.

ئیسرائیل و ئێران ناوبه‌ناو لێدوانی دژبه‌یه‌ك ده‌ده‌ن، ئه‌و ته‌قینه‌وانه‌ی له‌ ماوه‌ی رابردوودا له‌ دامه‌زراوه‌ ئه‌تۆمییه‌كانی ئێران روویدا، ئیسرائیلی پێ تۆمه‌تبار ده‌كرێت، تارانیش له‌ زۆربه‌ی لێدوانه‌كانیدا هه‌ڕه‌شه‌ی وه‌ڵامی توند و سڕینه‌وه‌ی ته‌لئه‌بیب له‌سه‌ر نه‌خشه‌ ده‌كات.


PM:03:09:24/10/2021


ئه‌م بابه‌ته 2860 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو