کۆمەڵ شاندێکی بۆ تۆمارکردنی سکاڵا ناردۆتە بەغدا

‌لۆگۆی کۆمەڵی دادگەریی کوردستان

وێستگە نیوز_

سەرچاوەیەک لە کۆمەڵ-ی دادگەریی بە میدیایی حزبەکەی ڕاگەیاندووە، "لە ئەنجامی ئەژماركردنەوەی دەستی چەند بنكەیەكی دەنگدان و بەراوردكردنی بە ئەنجامەكانی ئەژماری ئەلیكترۆنی، دەركەوتووە جیاوازیی زۆر لە ژمارەی دەنگەكاندا ه
ەیە".

سەرچاوەکە ئەمرۆ 14ی تشرینی یەکەمی 2021، ئاماژەی بەوەشکردووە، "كۆمەڵی دادگەری داوای ژماردنەوەی دەستیی دەنگی سەرجەم بنەكانی دەنگدان دەكات، وەك هەوڵێك بۆ ڕێگری لە ساختەكاری و فەوتاندنی دەنگی هاووڵاتیان".

ئەوەشخراوەتەڕوو، "کۆمەڵی دادگەریی کوردستان شاندێکی ناردووەتە بەغدا بۆ چاودێریی ژماردنەوەی دەستیی دەنگەکان و تۆمارکردنی سکاڵا لە کۆمسیۆن".

ئەمرۆ پێنجەشەممە، حه‌سه‌ن سه‌لمان، به‌ڕێوه‌به‌ری فه‌رمانگه‌ی په‌یوه‌ندی و راگه‌یاندنی كۆمسیۆنی باڵای هه‌ڵبژاردنه‌كانی عێراق، رایگه‌یاند، "راگه‌یاندنی ده‌ره‌نجامه‌ به‌راییه‌كان وه‌ك رێوشوێنێكی یاسایی بوو ئه‌نجامماندا، ره‌نگه‌ گۆڕانكارییان به‌سه‌ردابێت، ده‌بێت لایه‌ن و پێكهاته‌ عێراقییه‌كان چاوه‌ڕێی كۆتایی هاتن و یه‌كلایی بوونه‌وه‌ی ده‌ره‌نجامی سكاڵاكان بن".

ئەوەشیخستۆتەڕوو، "پڕۆسه‌ی هه‌ڵبژاردن بێ كه‌م و كوڕی بووە، تا ئێستا سكاڵای سوور له‌ لایه‌ن و پێكهاته‌ و هاوپه‌یمانێتیی و لیسته‌كان، تۆمار نه‌كراون و دوای ده‌ستكردن به‌ ژماردنه‌وه‌ی ده‌ستی، گۆڕانكاری له‌ ده‌ره‌نجامه‌كان دروست بوو، كه‌ ئه‌مه‌ كارێكی سرووشتییه‌، به‌ڵام كۆمسیۆن ناچێته‌ ژێر باری هیچ فشارێكی سیاسی''.


PM:03:36:14/10/2021


ئه‌م بابه‌ته 320 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت