وێستگەنیوز ڕێنمایی نوێی وەرگرتنی خوێندکارانی زانکۆکان ئاشکرادەکات

‌وەزارەتى خوێندنى باڵا و توێژینەوەى زانستى

وێستگە نیوز_

وەزارەتى خوێندنى باڵا و توێژینەوەى زانستى، ڕێنمایى وەرگرتنى خوێندکارانی لە زانکۆ حکومییەکانى هەرێمى کوردستان بۆ ساڵى خوێندنى 2021-2022 بڵاوکردەوە و وێستگە نیوز لە رێگەی دەستکەوتنی ڕێنماییەکانەوە، مەرج و دەرفەتەکانی وەرگرتن ئاشکرا دەکات.


کلیک لێرە بکە بۆ خوێندنەوەی ڕێنماییەکان

پێشتر، عەباس ئەکرەم وتەبێژى وەزارەتى خوێندنى باڵا و توێژینەوەى زانستى بە وێستگە نیوز-ی ڕایگەیاند، دواى کۆتایهاتنی کارەکان لە وەزارەت و ناوەندى وەرگرتن، وشه‌ی تێپه‌ڕو نهێنی (پاسۆرد و یوزه‌رنه‌یم) بۆ سەرجەم دەرچوانى دوانزەى ئامادەیى ئامادەکرا و ڕه‌وانه‌ی وەزارەتى پەروەردە و بەڕێوەبەرایەتى گشتى ئەزمونەکان كرا.

وته‌بێژی وه‌زاره‌تی خوێندنی باڵا و توێژینه‌وه‌ی زانستی داوا لە دەرچوانى پۆلی دوانزەى ئامادەیى دەکات دەتوانن خۆیان سەردانى خوێندنگەکانیان بکەن بۆ وه‌رگرتنه‌وه‌ی وشه‌ی تێپه‌ڕو نهێنی (پاسۆرد و یوزه‌رنه‌یم)، وتیشی، پێویستە دەرچوان بەباشى پاسۆرد و یوزەرنەیمەکانیان بپارێزن، چونکە دواتر لەڕێگەى ئه‌و (پاسۆرد و یوزەرنەیم)ه‌ دەتوانن (زانکۆلاین) پڕبکەنەوە.

لەبارەى کاراکردنى زانکۆلاین بۆ دەرچوانى دوانزەى ئامادەیى، وتەبێژى وەزارەتى خوێندنى باڵا و توێژینەوەى زانستى ئاماژەی بەوەکرد، لە چەند رۆژى داهاتو زانکۆلاین بۆ دەرچوانى دوانزەى ئامادەیى کارا دەکرێت و پێش کاراکردنیشى لە ڕاگەیەنراوێکى رۆژنامەوانیدا وردەکارییەکەى بۆ دەرچوان دەخرێتەڕوو.


PM:09:18:28/09/2021


ئه‌م بابه‌ته 1884 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت