كوڕه‌كه‌ی توشی كۆرۆنا بوو..پادشا و شاژن كه‌ره‌نتینه‌ كران

‌ شازاده‌ حسێن كوڕی عه‌بدوڵای دووه‌م

وێستگه‌ نیوزـ

دیوانی شاهانه‌ی ئوردن ئه‌مڕۆ دووشه‌ممه‌ رایگه‌یاند كه‌ شازاده‌ی جێنشین توشی ڤایرۆسی كۆرۆنا بوه‌ و به‌وهۆیه‌شه‌وه‌ پادشا و شاژنی وڵات خراونه‌ته‌ كه‌ره‌نتینه‌وه‌.

دیوانی شاهانه‌ی ئوردن رایگه‌یاند كه‌ ئه‌نجامی پشكنینه‌كانی شازاده‌ حسێن كوڕی عه‌بدوڵای دووه‌م، شازاده‌ی جێنشینی شانشینه‌كه‌ ك به‌شێوه‌یه‌كی رۆتینی و ئاسایی ناوبه‌ناو ئه‌نجامی ده‌دات، ئه‌مجاره‌ پۆزه‌تیڤ بوه‌ و ده‌ركه‌وتوه‌ كه‌ شازاده‌ توشی په‌تای كۆرۆنا بووه‌.

ئه‌نجامی پشكنینه‌كه‌ ئێواره‌ی ئه‌مڕۆ دووشه‌ممه‌ ده‌رچوه‌ و به‌هۆی توشبونی شازاده‌وه‌، شا عه‌بدوڵای دووه‌م، پادشای ئوردن و شاژنه‌ رانیا خراونه‌ته‌ كه‌ره‌نتینه‌وه‌.

به‌پێی دیوانی شاهانه‌ی ئوردن شازاده‌ توشبوه‌كه‌ خۆشی كوتاوه‌ و ڤاكسینیشی وه‌رگرتوه‌، نیشانه‌كانیش به‌ سوكی له‌سه‌ری ده‌ركه‌وتون و وه‌ك دیوانه‌كه‌ ده‌ڵێت "ته‌ندروستیی شازاده‌ باشه‌".


PM:07:09:27/09/2021


ئه‌م بابه‌ته 4312 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو