به‌هێزین وڵاتی جیهان له‌سه‌ر ئاستی سه‌ربازی دیاریکرا


وێستگه‌ نیوزـ

نوێترین ریزبه‌ندی بۆ به‌هێزترین وڵات له‌سه‌ر ئاستی جیهان له‌ رووی سه‌ربازییه‌وه‌ دیاریكرا و ئه‌مریكا له‌ پله‌ی یه‌كه‌مدایه‌.

سایتی گلۆبه‌ڵ فایه‌ر پاوه‌ر كه‌ تایبه‌ت به‌ كاروباری سه‌ربازی ریزبه‌ندیی خۆی بۆ به‌هێزترین وڵاتی جیهان بڵاوكرده‌وه‌ و ئه‌مریكای به‌ به‌هێزترین وڵاتی جیهان دانا، دوای ئه‌ویش روسیا له‌ پله‌ی دووه‌م و چین له‌ پله‌ی سێیه‌م هاتون.

جۆین بە لەگەڵ هەواڵە بەپەلەکانی وێستگە نیوز لە تیلیگرام

له‌ ریزبه‌ندییه‌كه‌دا توركیا له‌ پله‌ی 11 و ئێران له‌ پله‌ی 14 و ئیسرائیل له‌ پله‌ی 20دا هاتون، بۆ وڵاتانی عه‌ره‌بیش، میسر پله‌ی یه‌كه‌م له‌سه‌ر ئاستی وڵاتانی عه‌ره‌ب و له‌سه‌ر ئاستی جیهانیش له‌پله‌ی 13دایه‌.

عه‌ره‌بستانی سعودی له‌سه‌ر ئاستی وِڵاتانی عه‌ره‌ب له‌ پله‌ی دووه‌م و له‌سه‌ر ئاستی جیهان له‌ پله‌ی 17 و جه‌زائیر له‌ پله‌ی سێیه‌می عه‌ره‌ب و 27ی جیهاندایه‌.

سه‌باره‌ت به‌ عێراق، ناوه‌كه‌ی له‌ پله‌ی 57ی لیستی وڵاتانی جیهاندا هاتوه‌، پێوه‌ری سایته‌كه‌ش بۆ ریزبه‌ندییه‌كه‌ پشتی به‌ توانای سه‌ربازی و دارایی و لۆجستی و جوگرافی به‌ستوه‌.


PM:06:03:25/09/2021


ئه‌م بابه‌ته 5108 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت