كۆمپانیای گۆگڵ ملیۆنان مۆبایل لە خزمەتگوزارییەكانی بێبەشدەكات


وێستگه‌ نیوز ـ

كۆمپانیای گۆگڵ، ملیۆنان ئامێری مۆبایل له‌ خزمەتگوزارییەكانی بێبه‌شده‌كات و ئەگەر نوێنەكرێنەوە بۆ ڤێرژنی 3.0 و بەرزتر، ئەوا چیتر ناتوانن كار بە خزمەتگوزارییەكانی گوگڵ بكەن.''

ئەمڕۆ شەممە 25 ی ئه‌یلولی 2021 كۆمپانیای گوگڵ ڕایگەیاند، ڕۆژی دووشەممەی داهاتوو خزمەتگوزارییەكانی لە ئامێرە كۆنەكانی مۆبایل ڕادەگرێت.

ئاماژه‌ی به‌وه‌شكردووه‌، ''ئەو ئامێرانەی بە سیستمی ئەندرۆید 2.3 كاردەكەن، ئەگەر نوێنەكرێنەوە بۆ ڤێرژنی 3.0 و بەرزتر، ئەوا چیتر ناتوانن كار بە خزمەتگوزارییەكانی گوگڵ بكەن.''

ئەو خزمەتگوزارییانەی كۆمپانیاكە بریتین لە ئامرازی گەڕانی گوگڵ و نەخشەكانی گوگڵ (گوگڵ ماپ) و یوتیوب و جی مەیڵ و پلەی ستۆر و ساڵنامەی گوگڵ.

گوگڵ هۆكاری ئەو بڕیارەی گەڕاندووەتەوە بۆ پاراستنی سەلامەتیی بەكارهێنەران، چونكە وەك پسپۆڕانی ئای تی دەڵێن، "ئامێرە كۆنەكان زیاتر ڕووبەڕووی هاككردن دەبنەوە''. 


PM:03:31:25/09/2021


ئه‌م بابه‌ته 1188 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو