دامه‌زرێنه‌رێكی تالیبان: كاربه‌ سزای له‌سێداره‌ و بڕینه‌وه‌ی ده‌ست دەکرێتەوە


وێستگه‌ نیوزـ

یه‌كێك له‌ دامه‌زرێنه‌رانی بزوتنه‌وه‌ی تالیبان رایگه‌یاند بزوتنه‌وه‌كه‌ سزای له‌سێداره‌دان و په‌ڕاندنی ده‌ست جێبه‌جێ ده‌كات، به‌ڵام ئه‌و كاره‌ به‌ ئاشكرا ناكات.

مه‌لا نوره‌دین تورابی، وه‌زیری داد له‌ سه‌رده‌می حوكمی پێشوی بزوتنه‌وه‌ی تالیبان له‌ چاوپێكه‌وتنێكدا له‌گه‌ڵ ئاژانسی ئه‌سۆشیه‌یتد پرێس رایگه‌یاند: زۆربه‌ی كات ئه‌و بڕیارانه‌ی ره‌تكردوه‌ته‌وه‌ كه‌ بۆ له‌سێداره‌دان ده‌ركراون، زۆربه‌ی له‌سێداره‌دانه‌كانیش له‌به‌رچاوی خه‌ڵك و له‌ شوێنه‌ گشتییه‌كان ئه‌نجام ده‌دران.

مه‌لا نوره‌دین پێی وایه‌ كه‌ له‌ حوكمی ئێستای تالیباندا به‌هه‌مان شێوه‌ی حوكمی پێشوو، سزای له‌سێداره‌دان و ده‌ست بڕینه‌وه‌ هه‌یه‌ به‌ڵام به‌ ئاشكرا ئه‌و كاره‌ ناكرێت، هۆشداریشی دا له‌ دروستبونی پێكدادانێكی نوێ له‌گه‌ڵ ئه‌م ده‌سه‌ڵاته‌ نوێیه‌ی تالیبان.


PM:10:56:23/09/2021


ئه‌م بابه‌ته 2968 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت