به‌ وێنە.. لە رووداوێکی هاتوچۆدا کەسێک گیانی لەدەستدا

‌دیمەنێک لە رووداوەکە

وێستگه‌ نیوز ـ
وتەبێژی هاتوچۆی هەولێر رایگەیاند، لە رووداوێکی هاتوچۆدا لەسەر رێگای بنەسڵاوە-دارەتوو، کەسێک گیانی لەدەستدا و کەسێکیش برینداربوو.



فازڵ حاجی وتەبێژی هاتوچۆی هەولێر رایگەیاندووە، رووداوەکە رووبەڕوبووە و دوو ئۆتۆمبێلەکە بەرەوڕوو پێکیان داداوە، ئاماژەی بەوەشکردووە، ئۆتۆمبێلەکان پیکابێک و کیایەکی بچووکی بارهەڵگر بوون.

ئەوەشی خستووەتەڕوو، لە دەرەنجامی رووداوەکە شۆفێری پیکابەکە گیانی لەدەستدا و شۆفێری کیاکەش برینداربوو، جگە لەکەوتنەوەی زیانێکی ماددی زۆر، لەلێکۆڵینەوەشدا شۆفێری کیاکە بەلایەنی خەتابار دانراوە چونکە لەرێڕەوی خۆی لایدابوو و چووبووە رێڕەوی بەرامبەر.

وتەبێژی هاتوچۆی هەولێریش بە هاوڵاتیان دەڵێت: "بۆهەمیشە لە شەقامە تاکسایدەکان لە رێڕەوی خۆتان بڕۆن و هەوڵی تێپەڕاندن مەدەن ئەگەر بەرچاوتان روون نەبوو".
 


PM:02:19:22/09/2021


ئه‌م بابه‌ته 3492 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو