پۆلیسی راپەڕین: ماتۆڕسوارێک منداڵێکی شێلا و به‌ره‌و شوێنێكی نادیار هه‌ڵات

‌روداوێکی هاتوچۆی ماتۆڕسکیل - وێنە: ئەرشیف

وێستگەنیوز-

به‌ڕێوه‌به‌رایه‌تی پۆلیسی راپه‌ڕین رایگەیاند، ئێواره‌ی ئه‌مڕۆ شه‌ممه‌ لە گه‌ڕه‌كی هه‌نارۆک لە قه‌ڵادزێ ماتۆڕسكیلێك منداڵێكی  5 ساڵان دەشێلێت و بەرەو شوێنێکی نادیار هەڵاتوە، بۆیە به‌ مادده‌ی 1/23 له‌ یاسایی هاتوچۆ دادوه‌ر فه‌رمانی ده‌ستگیركردنی بۆ شۆفێره‌كه‌ و ده‌ستبه‌سه‌رداگرتنی ماتۆڕسكیله‌كه‌ی ده‌ركرد.

لەراگەیەنراوێکدا کە وێنەیەکی بۆ وێستگەنیوز نێردراوە به‌ڕێوه‌به‌رایه‌تی پۆلیسی راپه‌ڕین باسی لەوەشکردوە، ئێواره‌ی ئه‌مڕۆ شه‌ممه‌، ماتۆڕسكیلێك منداڵێكی به‌ناوی (ئـ، م، ئـ) ته‌مه‌ن 5 ساڵان، دانیشتوی گه‌ڕه‌كی هه‌نارۆكی له‌ قه‌ڵادزێ شێلاو به‌و هۆیه‌شه‌وه‌ قاچی چه‌پی منداڵه‌كه‌ شكا و له‌كاتی ڕووداوه‌كه‌ش شۆفێری ماتۆڕسكیله‌كه‌ ڕایكردوه‌.

ئەوەش هاتووە، دوای ڕووداوه‌كه‌ هێزه‌كانی پۆلیس گه‌یشتونه‌ته‌ شوێنی مه‌به‌ست، به‌ مادده‌ی 1/23 له‌ یاسایی هاتوچۆ دادوه‌ر فه‌رمانی ده‌ستگیركردنی بۆ شۆفێره‌كه‌ و ده‌ستبه‌سه‌رداگرتنی ماتۆڕسكیله‌كه‌ی ده‌ركرد.

به‌ڕێوه‌به‌رایه‌تی پۆلیسی راپه‌ڕین ئەوەشی خستوەتەڕو، باری ته‌ندروستی برینداره‌كه‌ جێگیره‌ و له‌ژێر چاودێری پزیشكیدایه‌، هه‌روه‌ها لێكۆڵینه‌وه‌ش له‌ ڕووداوه‌كه‌ ده‌ستیپێكردووه‌.


PM:07:58:18/09/2021


ئه‌م بابه‌ته 500 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو