كردیان به‌ قوربانی بۆ جنۆكه‌

‌ئەحمەد کرا بە قوربانی بۆ جنۆکە

وێستگه‌ نیوزـ

ئه‌حمه‌د گه‌نجێكی میسرییه‌ و ئه‌وكاته‌ی پۆلیس ته‌رمه‌كه‌ی دۆزییه‌وه‌، لاشه‌كه‌ی كرابوو به‌ سێ پارچه‌وه‌، پۆلیس دوای لێكۆڵینه‌وه‌ كه‌سوكاره‌كه‌ی ده‌ستگیر كرد و ده‌ركه‌وت له‌به‌ر خاتری جنۆكه‌ كراوه‌ به‌ قوربانی.

جۆین بە لەگەڵ هەواڵە بەپەلەکانی وێستگە نیوز لە تیلیگرام

سێ پارچه‌ لاشه‌كه‌ی ئه‌حمه‌د له‌ سێ شوێنی جیاوادا له‌ ناوچه‌ی دیرۆت سه‌ربه‌ پارێزگای ئه‌سیوت له‌ملاولای رێگاوبانه‌كان دۆزرانه‌وه‌، پۆلیس پور و مامه‌كانی ده‌ستگیركردوه‌ و یه‌كێ: له‌ پوره‌كانی به‌ پۆلیسی وتوه‌ "ئه‌حمه‌د ماڵی نزیك بووه‌ له‌ ماڵی مامی و و پورێكی بانگی كردوه‌ بۆ ماڵی خۆیان و له‌وی راده‌ستی 7 كه‌سی تری كردوه‌".

به‌وته‌ی پوری قوربانییه‌كه‌، ئه‌و حه‌وت كه‌سه‌ له‌ ماڵه‌ مامێكی ئه‌حمه‌د به‌ چه‌قۆیه‌كی تیژ كوشتویانه‌ و كردویانه‌ به‌ سێ پارچه‌وه‌.

راستیی چیرۆكه‌كه‌ ئه‌وه‌بوو كه‌ كه‌سوكاره‌كه‌ی ویستویانه‌ به‌ قوربانیكردنی ئه‌حمه‌د گۆڕستانێكی كۆنی پڕ له‌ ئاسه‌وار بكه‌نه‌وه‌ و پارچه‌ ئاسه‌واریان ده‌ست بكه‌وێت، ئینجا په‌نایان بۆ چه‌ند جادوگه‌رێك بردوه‌ و ئه‌وانیش پێیان وتوه‌ كه‌ ئه‌حمه‌ باشترین كه‌سه‌ بۆ ئه‌وه‌ی سه‌ربڕدرێت و بكرێت به‌ قوربانی بۆ جنۆكه‌كانی ناو گۆڕستانه‌كه‌ تا گۆڕه‌كان هه‌ڵبده‌نه‌وه‌.


PM:03:48:09/09/2021


ئه‌م بابه‌ته 2484 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو