میره‌ر: به‌ریتانیا هێزێكی تایبه‌ت دژبه‌ ئێران ره‌وانه‌ی خۆرهه‌ڵاتی ناوه‌ڕاست ده‌كات


وێستگه‌ نیوزـ

بۆ ده‌ستگیركردن یان كوشتنی ئه‌و كه‌سانه‌ی هه‌فته‌ی رابردوو هێرشیانكرده‌سه‌ر كه‌شتییه‌كی ئیسرائیلی له‌ ئاوه‌كانی كه‌نداوی عومان و ده‌وترێت سه‌ربه‌ ئێران بوون، به‌ریتانیا به‌نیازی وه‌ڵامدانه‌وه‌ی تارانه‌ و هێزێكی تایبه‌تیشی ره‌وانه‌ی ناوچه‌كه‌ كردوه‌.

رۆژنامه‌ی میره‌ری به‌ریتانی ئاشكرایكرد كه‌ تیمێكی تایبه‌تی وڵاته‌كه‌ له‌ یه‌كه‌ی مغاویر و به‌له‌می تایبه‌ت گه‌یشتونه‌ته‌ خۆرهه‌ڵاتی ناوه‌ڕاست پلانی ئه‌وه‌یان داڕشتوه‌ ئه‌و كه‌سانه‌ به‌دیل بگرن یان بكوژن كه‌ هێرشیانكرده‌سه‌ر كه‌شتییه‌ ئیسرائیلیه‌كه‌ی كه‌نداوی عومان و به‌هۆیه‌وه‌ به‌ریتانییه‌ك و رۆمانییه‌ك كوژران.

جۆین بە لەگەڵ هەواڵە بەپەلەکانی وێستگە نیوز لە تیلیگرام

میره‌ر زیاتر زانیاریی بڵاوكردوه‌ته‌وه‌ و ده‌ڵێت له‌ناو ئه‌و هێزه‌ ره‌وانه‌كراوه‌دا ئه‌ندامانی فه‌وجی په‌ڕه‌شوته‌وانی و فڕۆكه‌ی بێفڕۆكه‌وان و پسپۆڕانی جه‌نگی ئه‌لیكترۆنی هه‌ن كه‌ ئامێری تایبه‌ت به‌ گوێگرتن و چاودێریكردنی ئینته‌رنێتیان پێیه‌.

ئه‌فسه‌رێكی هه‌واڵگریی به‌ریتانیا به‌ رۆژنامه‌كه‌ی وتوه‌ كه‌ ره‌وانه‌كردنی ئه‌و هێز و تیمانه‌ بۆ وه‌ڵامدانه‌وه‌ی ئێران یان ئه‌و كه‌سانه‌یه‌ كه‌ به‌وكاله‌ت شه‌ڕی ئێران ده‌كه‌ن و به‌ریتانیا سوره‌ له‌سه‌ر ئه‌وه‌ی كه‌ رێگه‌ به‌ دوباره‌ بونه‌وه‌ی ئه‌و ره‌فتارانه‌ نه‌دات و سنورێك بۆ ئێران دابنێت كه‌ چیتر نه‌توانێت هێرشی ده‌ریایی بكاته‌سه‌ر كه‌شتییه‌كان.


PM:10:31:03/08/2021


ئه‌م بابه‌ته 996 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت